ԱՄՆ Կառավարության արդյունավետության դեպարտամենտի (DOGE) ղեկավար Իլոն Մասկը կարծում է, որ ԱՄՆ-ը պետք է զերծ մնա այլ երկրների գործերին միջամտելուց և կենտրոնանա իր ներքին խնդիրների վրա։ Այս մասին նա հայտարարել է Դուբայում կայացած Համաշխարհային կառավարության գագաթնաժողովում։
Կարծում եմ, որ մենք, ընդհանուր առմամբ, պետք է թողնենք այլ երկրների գործերը իրենց վրա: Ամերիկան պետք է զբաղվի իր գործով և չզբաղվի ռեժիմի փոփոխության լայն տարածմամբ, ասել է Մասկը:
Նա նշել է, որ երկրին այժմ անհրաժեշտ է կրճատել պետական ծախսերը՝ երկարաժամկետ տնտեսական աճ ապահովելու համար։ Նրա կարծիքով՝ դրան կարելի է հասնել, ի թիվս այլ բաների, ԱՄՆ բյուջեի դեֆիցիտը 2 տրիլիոն դոլարից հասցնելով 1 տրիլիոն դոլարի՝ անարդյունավետ ծախսերից հրաժարվելու միջոցով։
Այդ կապակցությամբ Իլոն Մասկը քննադատել է ԱՄՆ Միջազգային զարգացման գործակալության (USAID) և արտերկրում ծրագրեր իրականացնող այլ գերատեսչությունների ծրագրերի ֆինանսավորումը։
Նա հավելել է, որ ԱՄՆ-ում, իր կարծիքով, կան բազմաթիվ պետական կառույցներ, որոնք չպետք է գոյություն ունենան ու վատնեն ամերիկացի հարկատուների փողերը։
