Չինաստանն ամերիկյան վարչակազմին առաջարկ է ուղարկել ԱՄՆ նախագահ Դոնալդ Թրամփի և Ռուսաստանի առաջնորդ Վլադիմիր Պուտինի հանդիպումը կազմակերպելու վերաբերյալ։ Այս մասին հայտնում է The Wall Street Journal-ը՝ հղում անելով աղբյուրներին։
Նրանց տեղեկությունների համաձայն՝ չինացի պաշտոնյաները միջնորդների միջոցով Թրամփի թիմին առաջարկել են գագաթնաժողով անցկացնել Ռուսաստանի Դաշնության և ԱՄՆ-ի միջև և նպաստել Ուկրաինայի հակամարտության կարգավորմանն ուղղված ջանքերին։
Պարբերականը նշում է, որ Պեկինի առաջարկը չի նախատեսում Վլադիմիր Զելենսկիի մասնակցությունը միջոցառմանը։ Միևնույն ժամանակ, Չինաստանի նախագահ Սի Ծինփինը չի ցանկանում, որ Պեկինից որևէ օգնություն ուկրաինական հակամարտության կարգավորման հարցում վտանգի ենթարկի ռուս-չինական սերտ հարաբերությունները, ընդգծել են աղբյուրները The Wall Street Journal-ին։
Սպիտակ տունը հրաժարվել է հաստատել հրապարակմանը, որ նման առաջարկ է ստացել Չինաստանից։ Ըստ ԱՄՆ վարչակազմի անանուն պաշտոնյայի, նախաձեռնությունը «բացարձակապես անգործունակ է»:
