Կառավարության արդյունավետության գրասենյակի (DOGE) ղեկավար Իլոն Մասկը կոչ է արել վերակազմավորել Հյուսիսատլանտյան դաշինքը։
«ՆԱՏՕ-ին անհրաժեշտ է ամբողջական վերակազմավորում,-գրել է նա X-ում՝ ի պատասխան սենատոր Մայք Լիի (Ռ-Յուտա) գրառման, առ այն, որ ՆԱՏՕ-ն «սպառել է իր օգտակարությունը», և Սառը պատերազմի դարաշրջանը վաղուց ավարտվել է:
Նախկինում Մասկը բազմիցս քննադատել է ԱՄՆ-ի քաղաքականությունը անդրատլանտյան ուղղությամբ և կոչ արել կրճատել պաշտպանական ծախսերը Եվրոպայում։ Ձեռնարկատերը կարծում է, որ նման ծախսերն անընդունելի են Վաշինգտոնում բյուջեի զգալի դեֆիցիտի և պետական ծախսերի աճի համատեքստում։
Դեկտեմբերի 20-ին Financial Times-ը հայտնել է, որ Թրամփը իր ներկայացուցիչների միջոցով ՆԱՏՕ-ի մի շարք եվրոպացի դաշնակիցների ծանուցել է իր մտադրության մասին՝ պահանջելու նրանցից պաշտպանական ծախսերը հասցնել իրենց ՀՆԱ-ի 5%-ի:
