Գործարար Թինա Կանդելակին առանց դիմահարդարման և ֆիլտրերի լուսանկար է հրապարակել։ Նա լուսանկարներով կիսվել է Instagram-ում
49-ամյա Թինա Կանդելակին ցուցադրել է առանց դիմահարդարման դեմքը։ Նա նկարահանվել է թափանցիկ սև վերնաշապիկով հանդերձարանում:
«Ես երբեք չեմ վախեցել ձեզ մոտ գալ առանց ֆիլտրերի, դիմահարդարման կամ ֆոտոշոփի», - գրել է Կանդելակին:
Աստղը խոստովանել է, որ հակված է գիրանալուն։ Կանդելակին նշել է, որ գենետիկորեն իրեն բախտ չի վիճակվել ունենալ բարեկազմ մարմին, ուստի նա անդադար աշխատում է իր վրա։ Հեռուստահաղորդավարուհին կանոնավոր կերպով հրապարակում է գրառումներ այն մասին, թե ինչպես է պահպանում իր կազմվածքը և երկարացնում մաշկի երիտասարդությունը տարբեր պրոցեդուրաների օգնությամբ։ Նա քարոզում է առողջ կենսակերպ՝ ընդգծելով, որ ամեն օր սպորտով է զբաղվում և բաց չի թողնում մարզումները, եթե չկա լուրջ պատճառ։ Աստղի խոսքերով՝ իր համար կարևոր է ցանկացած տարիքում ուժեղ և դիմացկուն լինելը։
