Ընդդիմության մեր գործընկերներն այսօր առաջարկում են Երևան քաղաքում տրանսպորտի գինը սահմանել 100 դրամից պակաս։ Փաստացի, այն առաջարկը, որ ներկայացնում է պարոն Թորոսյանը և «Ազգային առաջընթաց» խմբակցությունը, նրա մասին է, որ բոլոր այն փոփոխություններին, որոնք արվել են արտոնությունների մասով, բոյկոտի տրամաբանությամբ են մոտեցել։
Թվարկելով իր խոսքով՝ տրանսպորտից օգտվողների համար արտոնությունները՝ Ավինյանն ասաց․
«1998թ. Երևանի տրանսպորտը 100 դրամ էր, մենք երթևեկում էինք «Ռաֆ»-երով ու գազելներով, չնայած՝ գազելներն էն ժամանակ ավելի լավ մեքենա էին համարվում։
Ու հիմա դուք առաջարկում եք 100 դրամից պակաս դարձնել, երբ մենք երթևեկում ենք «MAN»-երով, «Zhong tong»-ներով»,– հավելեց նա։
Ավինյանի խոսքով՝ ընդդիմադիրները հոգեբանական տեռորի են ենթարկում քաղաքացիներին՝ համոզելով, թե 300 դրամ է դարձել տոմսը. «Մարդկանց գլուխը լցրել եք, թե տրանսպորտ դառնում է 300 դրամ»,- ասաց նա։
«Ուզում եմ իմանաք, սիրելի՛ երևանցիներ, որ ձեր վճարած ավել 50 դրամը ծառայում է մի քանի բանի՝ առաջին հերթին Երևանում շարունակական տրանսպորտի զարգացմանը»,– նշեց քաղաքապետը։
