Ուկրաինայի ճգնաժամի խաղաղ կարգավորումը լինելու է Մյունխենի անվտանգության համաժողովի գլխավոր թեման։
Այս մասին Sirius Satellite Radio-ի եթերում ասել է ԱՄՆ պետքարտուղար Մարկո Ռուբիոն։«Բոլորի համար գլխավոր թեման լինելու է Ուկրաինայի պատերազմը: Նախագահ Թրամփը հասկացրել է, որ Ուկրաինայում պատերազմը պետք է ավարտվի»,-ասել է դիվանագիտական գերատեսչության ղեկավարը: Բոլորի շահերից է բխում, որ այս պատերազմը ավարտվի, և ակնհայտ է, որ այստեղ մենք կքննարկենք այն մեր արտաքին գործերի քարտուղարների և այլ ղեկավարների հետ»,-եզրափակել է Ռուբիոն:
Անցյալ շաբաթ Axios պորտալը, վկայակոչելով աղբյուրներին, հայտնել էր, որ ԱՄՆ պետքարտուղարը շուտով կմեկնի երկրորդ աշխատանքային շրջագայության։
Ուղեւորության ընթացքում նա կմասնակցի Մյունխենի անվտանգության համաժողովին, որը կմեկնարկի փետրվարի 14-ին։Դրանից հետո Ռուբիոն կմեկնի Մերձավոր Արեւելք, որտեղ կայցելի Իսրայել, Արաբական Միացյալ Էմիրություններ եւ Սաուդյան Արաբիա։ Բացի այդ, պորտալի զրուցակիցները նշել են, որ ԱՄՆ պետքարտուղարը կայցելի Պաղեստինի ինքնավարություն։
