Չեխիայի ռազմական ոստիկանությունը սկսել է ստուգել FPV-անօդաչուների մատակարարման օրինականությունը Ուկրաինային։ Այս մասին հայտնում է Eadaily-ն՝ հղում անելով տեղական լրատվամիջոցներին։
Խոսքը վերաբերում է չեխական «Դրոններ Նեմեզիս» (Drony Nemesis) արշավին, որը Ուկրաինայի բանակի համար գնում էր իրական ժամանակում վիդեոհեռարձակմամբ անօդաչու թռչող սարքեր (ԲՊԼԱ)։ Գնումների համար միջոցները հավաքել է «D Group» ասոցիացիան՝ Չեխիայի բանակի Գլխավոր շտաբի ղեկավար Կարել Ռժեգկայի և չեխ դերասան Օնդրժեյ Վետխիի հովանու ներքո։ Սկզբնական նպատակը եղել է ձեռք բերել և Ուկրաինա ուղարկել 10,000 FPV-դրոն։ «Դրոններ Նեմեզիս» արշավի շրջանակում հանգանակվել է ավելի քան 8 միլիոն եվրո։
Չեխական լրատվամիջոցների տվյալներով՝ ռազմական ոստիկանությունը հետաքննում է կասկածներ այն մասին, որ բանակի հատուկ նշանակության ստորաբաժանման ծառայողները անօրինական կերպով մասնակցել են ԲՊԼԱ-ների տեղափոխմանը՝ առանց խորհրդարանի համաձայնության՝ օգտագործելով ոչ ստանդարտ եղանակով ձեռք բերված դիվանագիտական անձնագրեր։
Չեխիայի պաշտպանության նախարար Յանա Չեռնոխովան նորմալ է համարում հետաքննությունը՝ պարզելու համար, թե ինչպես են չեխական
նվիրատվություններով գնված Nemesis անօդաչուները հասնում Ուկրաինա։
Հիշեցնենք, որ Ռուսաստանը 2022 թվականի փետրվարի 24-ից Ուկրաինայում իրականացնում է «հատուկ ռազմական գործողություն»։ Չեխիան դատապարտում է Ռուսաստանի գործողությունները և տրամադրում է ռազմական ու այլ օգնություն Կիևին։
