Հարկային օրենսգրքում կա երկու կետ, շատ վատ կետ, որոնք իրենք չեն լուսաբանում, ծածուկ են անում, որ հերթով սկսեն կոտորածը։ Այս մասին լրագրողների հետ զրույցում ասաց բողոքի ակցիա իրականացնող տնտեսվարողներից մեկը։
Նա նշեց, որ պատրաստվում են հինգշաբթի օրը՝ ժամը 11–ին, կառավարության շենքի դիմաց նորից բողոքի ակցիա իրականացնել։«Մեր հարցը պիտի ունենա դրական լուծում։ Պարտավոր են էսքան ժողովրդին լսել։
Չեն կարող 55 հազար տնտեսվարողին տանել սննկացման եզրին»,– ասաց ակցիայի մասնակիցը։
Նա նշեց, որ տարիների առաջ նախկին վարչապետ Հովիկ Աբրահամյանն ընդառաջել է իրենց՝ ի տարբերություն այսօրվա կառավարության։
«Մեր մեջից ծնված վարչապետին մեր միջից հանեցինք, որ ինքը հասկանա մեր վիճակն ինչ է, բայց ավելի վատը դուրս եկավ, մեզ արհամարհեց։
Մենք կապացուցենք, որ կմիավորվենք և կհաղթենք իրենց բոլորին»,– հավելեց նա։
