Լսել եմ վերջերս, որ տրանսպորտի ինքնարժեքը 65 դրամ է: Վե՛րջ տվեք ստերին, ասեիք՝ ձրի է կամ մինուս, ինչի՞ եք ասում՝ 65 դրամ է։ Այս մասին Երևանի քաղաքապետարանի գործակարգավարական նիստում հայտարարել է քաղաքապետ Տիգրան Ավինյանը։
«Ինչ–որ կետում ավարտվելո՞ւ է մարդկանց մասսայաբար խաբելու պրակտիկան։
Մենք ենք մեղավոր։ Ասում են` թե տրանսպորտի ինքնարժեքը 65 դրամ է ... Կարող էին ասել 6 դրամ, ավելի լավ է հնչում, ձրի, մինուս»,– ասել է նա։
Ավինյանը նշել է, որ քաղաքապետարանի կատարած աշխատանքը քաղաքացիներին ավելի լավ ներկայացնելու խնդիր կա դրված․
«Մենք ունենք մի խնդիր, արած աշխատանքն ավելի լավ ներկայացնելու, և այս պարզ ճշմարտությունները մարդկանց հասանելի դարձնելու, որովհետև երբ որ մենք չենք խոսում, խոսում են մանիպուլյացիայի լեզվով, մարդիկ էլ լսում են դա»,- ասել է քաղաքապետը:
