2025 թվականին պատերազմն ավարտելու բոլոր հնարավորությունները կան: Այս մասին ասել է Վոլոդիմիր Զելենսկին ITV News-ին տված հարցազրույցում։
«Իմ կարծիքով, Թրամփը ցանկանում է, որ պատերազմը հնարավորինս արագ ավարտվի: Կլինի դա արագ, թե ոչ, մենք չգիտենք, թե ինչպես կստացվի, բայց մենք գիտենք, որ մենք պետք է ուժեղ լինենք: Նա ուժեղ է, բայց մենք պետք է վճռականորեն գործենք եվրոպացիների հետ դաշինքով», - ասել է նախագահը ITV News-ին տված հարցազրույցում:
Զելենսկին նաև նշել է, որ Թրամփին պարզապես պետք չէ վերջ տալ պատերազմին, նա պետք է համոզվի, որ Պուտինը հնարավորություն չի ունենա նորից վերադառնալու Ուկրաինայի դեմ պատերազմով:
Ըստ Զելենսկու՝ Պուտինի նպատակն է հետ բերել Խորհրդային Միությունը, ռուսական կայսրության ազդեցությունն աշխարհի վրա։ Ուկրաինայի նախագահը նաև հայտարարել է, որ պատրաստ կլիներ բանակցությունների ցանկացած ձևաչափի, եթե հասկանար, որ ԱՄՆ-ն և Եվրոպան «չեն լքի իրենց և անվտանգության երաշխիքներ կտան»։
