Գազայի հատվածում բնակվող պաղեստինցիներին վերաբնակեցնելու ԱՄՆ նախագահ Դոնալդ Թրամփի ծրագիրը խախտում է միջազգային իրավունքը։ Նման կարծիք է հայտնել ՄԱԿ-ի Մարդու իրավունքների խորհրդի (HRC) կողմից ստեղծված անկախ հանձնաժողովի նախագահ Նավի Փիլայը։
«Թրամփը չափազանց վատ է հասկանում միջազգային իրավունքը։ Օկուպացված տարածքում ապրող մի խումբ մարդկանց բռնի տեղահանումը միջազգային իրավունքի խախտում է և հավասարազոր է էթնիկական զտումների»,-ասել է նա եվրոպական Politico հրատարակությանը տված հարցազրույցում։
Ըստ Փիլայի՝ «ոչ մի օրինական ճանապարհ» չկա՝ իրականացնելու Թրամփի՝ պաղեստինցիներին անկլավից հեռացնելու և այն ԱՄՆ-ի սեփականությանը փոխանցելու գաղափարը։
Փետրվարի 4-ին ԱՄՆ նախագահը Սպիտակ տանը բանակցություններից հետո Իսրայելի վարչապետ Բենիամին Նեթանյահուի հետ համատեղ ասուլիսում ասաց, որ Վաշինգտոնը դիտարկում է Գազայի հատվածի երկարաժամկետ սեփականության հարցը՝ այն զարգացնելու համար՝ ի շահ Մերձավոր Արևելքում խաղաղության։
