Ռուսաստանի և Ուկրաինայի հարցերով ԱՄՆ նախագահի հատուկ բանագնաց Քիթ Քելլոգի այցը Կիև նախատեսվում է փետրվարի վերջին։ Այս մասին Associated Press-ին տված հարցազրույցում ասել է Վլադիմիր Զելենսկու գրասենյակի ղեկավար Անդրեյ Էրմակը։
Սակայն նա չի նշել այցի ստույգ ժամկետը։ Ավելի վաղ Rada հեռուստաալիքը, հղում անելով իր աղբյուրներին, հայտնել էր, որ Քելլոգը կարող է Կիև այցելել փետրվարի 20-ին։ «Կարևոր է խորհրդակցություններ և բանակցություններ վարել նախքան [ԱՄՆ նախագահ Դոնալդ Թրամփի վարչակազմն իր սեփական ծրագիրը կունենա»,- ասել է Զելենսկիի գրասենյակի ղեկավարը։
Երմակը հավելել է, որ Քելլոգի Կիև կատարած այցի ընթացքում, ի թիվս այլ հարցերի, նախատեսվում է քննարկել իրավիճակը առաջնագծում, ամերիկյան զենքի մատակարարումը և Կիևի մոբիլիզացիոն ջանքերը։
Նա նաև հայտնել է, որ ինքը և Զելենսկին փետրվարի 14-16-ը կմասնակցեն Մյունխենի անվտանգության համաժողովին, որտեղ ներկա կլինեն Քելլոգը և ԱՄՆ փոխնախագահ Ջեյմս Դևիդ Վենսը։ Նա չի հստակեցրել, թե արդյոք ուկրաինական պատվիրակությունը շփումներ կունենա Վանսի հետ։
Զելենսկիի գրասենյակի ղեկավարը, բացի այդ, խոստովանել է, որ ներկայումս ուկրաինացի ներկայացուցիչների և Թրամփի հնարավոր հանդիպման ժամկետ չկա։
