Սիրիայի նոր իշխանությունները ԱՄՆ նախագահ Դոնալդ Թրամփի վարչակազմի հետ քննարկում են սիրիական տարածքում ամերիկյան բազաների ապագան, որին «որոշ ժամանակ» կպահանջվի խնդրի լուծման համար։ Այս մասին հայտարարել է Սիրիայի անցումային կառավարության պաշտպանության նախարար Մուրհաֆ Աբու Կասրան։
«Բոլորն ակնկալում էին, որ Թրամփը կգա իշխանության, որոշ ժամանակ կպահանջվի, որպեսզի ամերիկյան վարչակազմը և սիրիական նոր կառավարությունը լուծեն այս հարցը», - նշել է Աբու Կասրան The Washington Post-ին տված հարցազրույցում։ Նախարարի խոսքով՝ այս թեմայի շուրջ «այժմ բանակցություններ են ընթանում»։
2024 թվականի նոյեմբերի վերջին զինված ընդդիմադիր խմբավորումները լայնածավալ հարձակում են սկսել սիրիական բանակի դիրքերի դեմ։ Դեկտեմբերի 8-ին նրանք մտան Դամասկոս, որից հետո կառավարական ուժերը լքեցին քաղաքը։
