Ռուսաստանի և Ուկրաինայի հարցերով ԱՄՆ նախագահի հատուկ բանագնաց Քիթ Քելլոգը համարում է, որ Ուկրաինայի հնարավորությունները կրկին միջուկային զենք ձեռք բերելու համար «փոքր են կամ բացակայում են»:
«Նրանց կրկին միջուկային զենք ստանալու հնարավորությունները գրեթե աննշան են», -ասել է նա Fox News-ի եթերում: «Եկեք անկեղծ լինենք, մենք բոլորս գիտենք, որ դա տեղի չի ունենա»:
Նրա խոսքով՝ Կիև միջուկային զենք տեղափոխելու գաղափարը դատապարտված է ձախողման։ «Հիշեք, նախագահ Թրամփը ասաց, որ մենք ողջախոհության վարչակազմ ենք: Եվ երբ ինչ-որ մեկն ասում է այս բաները, դուք պետք է նայեք արդյունքին կամ ներուժին: Ահա թե ինչպես է օգտագործվում ողջախոհությունը», - ասել է Քելոգը:
Ավելի վաղ Զելենսկին ասել էր, որ Արևմուտքը պետք է Ուկրաինային միջուկային զենք տա և իր զորակազմը ուղարկի երկիր, քանի որ Կիևին չի ընդունում ՆԱՏՕ։
