Վրաստանի վարչապետ Իրակլի Կոբախիձեն հայտարարել է, որ օտարերկրյա պետությունների դեսպաններն արդեն դադարել են միջամտել հանրապետության ներքին գործերին։
«Կան կոնկրետ դեսպաններ, որոնք հետևում են Deep State-ի հրահանգներին:
Սա պետք է մեկընդմիշտ ավարտվի մեր երկրում։ Փառք Աստծո, նախորդ տարիների համեմատ այսօր ոչ ոք հնարավորություն չունի կոպիտ կերպով խառնվելու մեր ներքին գործերին։ Օրենքները գրվում են Վրաստանի խորհրդարանում, օրենքները կիրառվում են Վրաստանի կառավարությունում»,- լրագրողներին ասել է Կոբախիձեն։
Կոբախիձեն չի ասել, թե կոնկրետ որ դեսպաններն են միջամտել երկրի ներքին գործերին։
