Վլադիմիր Զելենսկին, ԱՄՆ-ից օգնություն ստանալու հարցում անորոշության ֆոնին, Ուկրաինայի կառավարությունից պահանջել է մեկ ամսվա ընթացքում գտնել միջազգային ֆինանսավորման նոր աղբյուրներ։ Համապատասխան հրամանագիրը հրապարակվել է նրա կայքում։
«Ուկրաինայի նախարարների կաբինետը մեկ ամսվա ընթացքում վերլուծում է իրավիճակը Ուկրաինային միջազգային օգնության տրամադրման վերաբերյալ և ուկրաինական դոնորների հարթակի ղեկավար կոմիտեի հաջորդ հանդիպման ժամանակ մշակում է առաջարկներ Ուկրաինային միջազգային օգնության լրացուցիչ աղբյուրներ ներգրավելու համար։
Հրամանագրով ուժի մեջ են մտնում Ազգային անվտանգության և պաշտպանության խորհրդի որոշումները, որոնց նիստը տեղի է ունեցել ավելի վաղ և, ինչպես նշվում է, նվիրված է եղել տնտեսական աջակցության միջոցառումներին։
Վերջերս երդմնակալած ԱՄՆ նախագահ Դոնալդ Թրամփը նախընտրական քարոզարշավի ժամանակ հայտարարեց, որ մտադիր է կարճ ժամանակում վերջ տալ ուկրաինական հակամարտությանը։
Անգամ այն ժամանակ շատ փորձագետներ մտահոգություն էին հայտնում նրա հաղթանակի դեպքում ԱՄՆ-ից Ուկրաինային տրամադրվող ֆինանսական օգնության հնարավոր զգալի կրճատման վերաբերյալ։
