Տրանսպորտի թանկացումը ՄԻՊ–ի իրավասության շրջանակներում ընդգրված հարց չէ, հետևաբար ես չեմ այն անձը, ով կարող էր պատասխանել այն հարցին, թե արդյոք պետք է տրանսպորտի գինը թանկանա և ինչքան գումարով, թե ոչ։
Այս մասին լրագրողների հետ զրույցում ասաց ՀՀ ՄԻՊ Անահիտ Մանասյանը՝ պատասխանելով հարցին, թե «Հիմա ի՞նչ եք հասկացել՝ քաղաքացիներն ուզո՞ւմ են, որ տրանսպորտը թանկանա, թե՞՝ ոչ»։
«Ունեցել ենք բողոք–դիմումներ։ Դրանք վերաբերել են այն համանգամանքին, որ քաղաքացիները թիրախավորվում են այն պարագայում, երբ, օրինակ, չեն ուզում մասնակցել ակցիաներին։
Մենք բողոքներ ենք նաև ստացել քաղաքացիներից, ովքեր, օրինակ, գտվում են հանրային տրանսպորտում և այդ ընթացքում նկարահանում է իրականացվում և իրենք չեն ուզում իրենց անձնական տվյալները հրապարակվեն, սակայն, բոլորս ենք տեսնում, որ տեսանյութերը հրապարակային տարածվում են։
Բնականաբար, այս պարագայում սրանք մարդու իրավունքների վերաբերելի հարցեր են և դրանց, իհարկե, անդրադարձ կատարում ենք»,– ասաց նա։Նա նշեց, որ չպետք է թիրախավորվեն այն մարդիկ, ովքեր չեն ուզում որևէ ակցիայի մաս կազմել կամ հավաքի մասնակցել։
