Հունգարիան համաձայն է ՄԱԿ-ի հասցեին ԱՄՆ նախագահ Դոնալդ Թրամփի քննադատությանը և կարծում է, որ այս կազմակերպությունը բարեփոխման կարիք ունի։ Այս մասին հայտարարել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն՝ Նյու Յորքում ՄԱԿ-ի կենտրոնակայան կատարած այցից հետո։
«Դոնալդ Թրամփի քննադատությունն արդարացված է, ՄԱԿ-ն այսօր անարդյունավետ է աշխատում, շատ դեպքերում նրան խանգարում է լիբերալ մեյնսթրիմը, ուստի, հաճախ հարձակվում է անդամ երկրների վրա՝ նրանց օգնելու փոխարեն», - գրել է ԱԳՆ ղեկավարը Facebook-ի իր էջում։
Այնուամենայնիվ, նա կարծում է, որ «իրավիճակը կարելի է բարելավել»։ «Մենք պետք է վերացնենք կրկնօրինակումը, պարզեցնենք կազմակերպությունը, նվազեցնենք ավելորդ ծախսերը և կենտրոնանանք իրական գլոբալ մարտահրավերների վրա», - բացատրել է Սիջյարտոն՝ հավելելով, որ դա պահանջում է համատեղ ջանքեր:
«Մեզ իսկապես անհրաժեշտ է փոփոխություն, եթե նրանք դա չհասկանան, կարող են վտանգի ենթարկել այս մեծ միջազգային կազմակերպությանը»,- ընդգծել է նախարարը։
