«Իմ հաշվարկներով՝ եթե խաղի ծավալը չփոխվի, տարեկան շուրջ 100 միլիարդ ավել պետական եկամուտ ենք ունենալու և եթե հետաձգում ենք օրենքի ընդունումը՝ ամեն ամիս տուժում ենք 2–3 միլիոն դոլարի չափով»,– Աժ Տնտեսական հարցերի մշտական հանձնաժողովի նիսիտին ասաց ՔՊ–ական պատգամավոր Հայկ Սարգսյանը՝ խոսելով ՀՀ–ում շահումով խաղերի ոլորտը 10 տոկոս շահութահարկով հարկելու նախագծի մասին։
«Ես ոչ թե իմ նախագիծն եմ ուզում առաջ բրդեմ, ես սրանից 100 դրամ չեմ ստանալու, սրա արդյունքում ստանալու եմ թշնամիներ, ի դեմս՝ այս ընկերությունների, շահերը պաշտպանողների, սեփականատերերի և սնվողների։
Ձեռք եմ բերելու թշնամիներ, պրոբլեմներ՝ առանց որևէ օգուտ ստանալու։ Փորձում եմ սա անել, ու ուզում եմ, որ էդ օգուտները մի ամիս կամ երկու շաբաթ ավելի շուտ գան պետական բյուջե»,– ասել է նա՝ նշելով, որ ինքն առաջնորդվում է պետական շահերով։
Նշենք, որ շահումով խաղերի ոլորտը 10 տոկոս շահութահարկով հարկելու մասին նախագիծը 3 կողմ, 2 ձեռնպահ ձայներով դրական եզրակացությամբ ընդգրկվեց ԱԺ լիագումար նիստերի օրակարգում։
