Ուկրաինայի նախագահ Վոլոդիմիր Զելենսկին մեկնաբանել է ՌԴ նախագահ Վլադիմիր Պուտինի վերջին հայտարարությունները գրեթե 3 տարի շարունակվող պատերազմին վերջ դնելու ուղիների մասին՝ ասելով, որ Ռուսաստանի նախագահի խոսքերը ցույց են տալիս, որ նա վախենում է բանակցություններից և ձգտում է հակամարտությունն անվերջ դարձնել, այս մասին Զելենսկին գրել է իր Telegram ալիքում։ «Այսօր (խմբ.՝ հունվարի 28-ին) Պուտինը ևս մեկ անգամ հաստատեց, որ վախենում է բանակցություններից, վախենում է ուժեղ առաջնորդներից և ամեն ինչ անում է պատերազմն անվերջ դարձնելու համար», - հայտարարել է Զելենսկին։
Պուտինը հայտարարել էր, որ իր երկիրը կարող է խաղաղության շուրջ բանակցություններ վարել Ուկրաինայի հետ, սակայն միևնույն ժամանակ ընդգծել էր, որ Զելենսկին չի կարող ստորագրել ոչ մի փաստաթուղթ, քանի որ նրա իշխանությունը «ոչ լեգիտիմ է»։
ԱՄՆ նախագահ Դոնալդ Թրամփը հունվարի 20-ին իր երդմնակալությունից հետո ճնշում է գործադրում երկու կողմերի վրա՝ պահանջելով դադարեցնել ռազմական գործողությունները՝ սպառնալով ավելի կոշտ պատժամիջոցներ կիրառել Ռուսաստանի դեմ և հիշեցնելով, որ Զելենսկին պատրաստ է բանակցել գործարքի շուրջ։
