Մարտի 30-ին կայանալիք Գյումրու քաղաքային իշխանության ընտրապայքարը թեժ է լինելու, մրցակիցների հարուստ ներկապնակ է ձեևավորվում բոլոր ուժերից։ Այստեղ կմրցեն բոլոր քաղաքական ուժերը՝ ընդ որում իշխանությունը երկու անձի դեմքով, նույն ստգրատեգիան է որդեգրել նաև ընդդիմադիր ուժը։
Հայաստանի երկրորդ մեծ քաղաքում ՔՊ-ն կհայտագրվի ընտրություններին ներկայիս քաղաքապետի՝ ժպ Սարիկ Մինասյանի, և մեկ այլ անձի դեմքով, առաջադրվելու են ԴՕԿ կուսակցություն, Արամ Զավեն Սարգսյանի թիմից թեկնածուներ։ Մամուլում շրջանառում է «Ապրելու Երկիր» կուսակցության թեկնածուի անունը՝ Կարեն Մալխասյան։ Իր թիմի առաջադրման մասին է խոսել նաև ԴՕԿ –ի հիմնադիր ղեկավար Վարդան Ղուկասյանը՝ Գյումրիում մեկ ամիս առաջ էկրանից գյումրեցիների հանդիպման հրավիրած հեռավար ելույթի միջոցով։ Խիստ ուշագրավ է ընդդիմության երկու հիմնական թեևերի մոտեցումը։
Գյումրու 13 տարվա քաղաքապետ Վարդան Ղուկասյանը կառաջադրվի Հայաստանի Կոմունիստական Կուսակցության անունից, քանի որ առաջադրման համար կուսակցական հենք է պետք, օրենքն է պարտադրում, սակայն իրականում, կարծիք կա, որ նա ամբողջովին վայելելու է Ռոբերտ Քոչարյանի թիմի աջակցությունը։
Սերժ Սարգսյանն էլ ասում են կունենա իր ֆավորիտ թեկնածուն։ Մամուլն այսօր գրեց՝ Գյումրու քաղաքական արենայում երկրորդ ընդդիմադիր թեկնածուի անունը՝ ԱԺ պատգամավոր Մարտուն Գրիգորյան։Մարտուն Գրիգորյանն այսօր ՀՀԿ թևն է ներկյացնում խորհրդարանում, իսկ տարիներ առաջ պատգամավոր էր դարձել Ծառուկյանի գլխավորած ԲՀԿ-ի կողմից, սա նշանակում է, որ նա առնվազն կստանա Սերժ Սարգսյանի ու ՀՀԿ-ի աջակցությունը և ընտրապայքարում կկիսի ընդդիմադիր էլեկտորատի ձայները՝ նախկին քաղաքապետ Վարդան Ղուկսյանի հետ։
Խայտաբղետ ներկապնակից ու թեկնածուների քանակը հաշվի առնելով կարելի է ենթադրել որ 50+ ոչ մի ուժ չի կարող հավաքել Գյումրիում, մաքսիմում պլանը կարող է լինել կոալիցիոն միավորումներով Գյումրիում իշխանություն վերցնելու հնարավորությունը , իսկ թե ում բաժին կհասնի ընտրազանգվածի ամենամեծ վստահությունը, ցույց կտա ժամանակը։
Հասմիկ Անտոնյան
