Նիկոլ Փաշինյանը պատրաստ է կատարել Ադրբեջանի պահանջները, բայց պատրաստ չէ կատարել ժողովրդին տված խոստումները, մասնավորապես՝ հրաժարվել է խոստումից, թե պատրաստ է քաղաքացիների հետ Հանրապետության հրապարակում քննարկել Արցախի հակամարտության կարգավորման ուղիները, ԱԺ-ում հայտարարեց «Պատիվ ունեմ» խմբակցության ղեկավար Հայկ Մամիջանյանը։
«Փաշինյանն արդեն իսկ հանձնել է Արցախը, բայց հրաժարվում է քաղաքացիներին պատմել, թե մինչ իր աղետալի բեմելը, ինչ բանակցային փաթեթներ էին առկա»,- ասաց Հայկ Մամիջանյանը՝ հավելելով՝ բանակցային փաստաթղթերի գաղտնիության մասին հնարավոր պատճառաբանություններն անտեղին են։
«Լրատվականները, պաշտոնաթող նախագահները և, ամենակարևորը, Հայաստանի Հանրապետության քաղաքացիները պահանջում են Նիկոլ Փաշինյանից՝ հրապարակել նախորդիվ բանակցային փաթեթներըԱյդ պահանջին միանում է նաև Հանրապետական կուսակցության ֆրակցիան»,- ասաց Հայկ Մամիջանյանը:
