Euromedia24 on Play Store Euromedia24 on App Sore
BNB

$596.38

BTC

$83868

ADA

$0.659615

ETH

$1808.74

SOL

$122.36

13 °

Yerevan

9 °

Moscow

32 °

Dubai

15 °

London

11 °

Beijing

17 °

Brussels

28 °

Rome

12 °

Madrid

BNB

$596.38

BTC

$83868

ADA

$0.659615

ETH

$1808.74

SOL

$122.36

13 °

Yerevan

9 °

Moscow

32 °

Dubai

15 °

London

11 °

Beijing

17 °

Brussels

28 °

Rome

12 °

Madrid

«Չեմ ուզում պատկերացնել, որ ինքը չկա, ապրելու ուժ է տալիս այն հույսը, որ մի օր հանդիպելու եմ Գարիկիս». սերժանտ Գարիկ Թամամյանն անմահացել է հոկտեմբերի 3-ին. «Փաստ»

«Փաստ» օրաթերթը գրում է.

«Շատ ժիր, աշխույժ, չարաճճի երեխա էր Գարիկս: Սիրում էր շփվել իրենից ավելի մեծերի հետ, նույնիսկ նրանց անունով էր դիմում»,-«Փաստի» հետ զրույցում ասում է տիկին Գայանեն՝ Գարիկի մայրիկը:Նրա խոսքով, դպրոցական տարիներին որդին շատ է սիրել առաջին տեղում լինել:

«Բոլոր միջոցառումներին մասնակցում էր: Ձմեռ պապիկի շորեր էի իր համար կարում, հագնում էր դրանք: Գարիկս 1994 թ. ծնունդ է: 2000- ական թվականներն էին, այս օրերի նման չէր, որ կարելի է տարատեսակ հագուստ գտնել միջոցառումների համար, ինքս էի դրանք կարում իր համար:

Անկեղծ լինեմ՝ սովորելու հետ սեր չուներ, դա կարծես փորձություն լիներ իր համար, ավելի լավ կլիներ՝ ես իր տեղը սովորեի: Չեմ կարող ասել, որ դպրոցում ուներ սիրելի առարկա, իր սերը երաժշտությունն էր, այդ դեպքում էլ սոլֆեջիոն չէր սիրում:

Երկրորդ դասարանից սկսեց շվիի հաճախել: Նվագելու հետ սեր ուներ, նաև ունակություն: Սովորեց չորս տարի, հետո երեք տարի էլ հաճախեց մասնավոր պարապմունքների:

Մասնակցել է Սայաթ-Նովայի անվան դպրոցում անցկացված մրցույթներին: Շվին՝ իր հերթին, բայց ավելի շատ սիրում էր դհոլ նվագել և երգել»:

Գարիկն իր տարեկիցներից բավականին ուշ է զորակոչվել պարտադիր զինվորական ծառայության: «Նա ութերորդ դասարանում էր սովորում, երբ տեղափոխվեցինք Մոսկվա:

Ամուսինս այնտեղ էր աշխատում, մենք էլ ընտանիքով տեղափոխվեցինք իր մոտ: Այնտեղ տուն ստեղծեցինք, մեր ամեն ինչն այնտեղ էր, 13 տարի այնտեղ ապրեցինք: Ամեն տարի ուզում էր վերադառնալ Հայաստան ու մեկնել ծառայության:

Երբ 2016 թվականին Ապրիլ յան պատերազմը սկսվեց, իրեն ասացինք՝ տե՛ս, եթե հիմա ծառայելիս լինեիր, մենք ի՞նչ վիճակում կլինեինք: Բայց երբ փաստաթղթերի հետ կապված խնդիրներ ունեցավ, վերջնականապես որոշեց վերադառնալ Հայաստան ու մեկնել ծառայության:

Ես ու հայրիկը դեմ էինք, բայց հակառակվեց մեզ. «Գնում եմ իմ հայրենիք, կծառայեմ, կզորացրվեմ, Երևանում տուն կգնեմ, իմ ընտանիքը կստեղծեմ, երգ ու երաժշտությամբ գումար կվաստակեմ ու կմնամ Հայաստանում, ձեզ էլ ինձ հետ կբերեմ»:

Այդպես էլ ստացվեց, Գարիկը եկավ, մեզ էլ բերեց Հայաստան»:Գարիկը զորակոչվել է պարտադիր զինվորական ծառայության 2019 թ. հուլիսի 15-ին: Ծառայել է Ջրականում: Եղել է Արցախի թիվ N զորամասի 2-րդ հրաձգային գումարտակի «ֆագոտ» ջոկի հրամանատար, ավագ օպերատոր, սերժանտ:

«Մյուսներից ավելի տարիքով էր, իրեն այնտեղ «Բիձո» են ասել: Լավ էր անցնում իր ծառայությունը, բոլորի հետ շատ լավ հարաբերություններ ուներ: Իր հետ ծառայող տղաներից ոմանք եկել ու պատմել են իրենից, ասում են, որ ամեն անգամ մի տեսակ զգաստացել են Գարիկի ներկայությունից»:2020 թ. սեպտեմբերի 27-ին սկսվեց 44-օրյա պատերազմը: «Մոսկվայում էի:

Սեպտեմբերի 26-ին առավոտից մինչ երեկո այնքան փակոցներ եմ արել: Այդ օրը երեկոյան զանգեց՝ մա՛մ, ի՞նչ ես անում, արձագանքեցի՝ «զակատ» եմ անում, Գար ջան:

«Ուրախության անես»: Մինչ օրս այլևս որևէ փակոց չեմ արել: Սեպտեմբերի 27-ի առավոտյան աշխատանքի էի, սոցցանցերում տեսա, որ գրված է՝ լայնամասշտաբ պատերազմ: Զանգում էի Գարիկին, անհասանելի էր: Հայրիկն ինձանից էր գաղտնի պահում պատերազմի լուրը, ես՝ իրենից: 27-ի երեկոյան զանգեց՝ մեր մոտ ամեն ինչ նորմալ է, մի անհանգստացեք, մեզ մոտ կրակոցներ չկան:

Հետո իմացանք, որ նա Լելե Թեփե բարձունքում է եղել: Զանգահարում էր պարբերաբար, հիմնականում նաև ուրիշների համարներով, ասում էի՝ ինչո՞ւ ես ուրիշների համարներով զանգահարում, հեռախոսդ լիցքավորեմ, արձագանքում էր. «Լիցքավորում չունի հեռախոսը, մի կողմ եմ շպրտել, ուրիշի համարով եմ զանգում»:

Իր երկու համարներն էլ չէին գործում, ում համարներով զանգահարում էր, դրանք էի լիցքավորում՝ միայն թե ինձ կարողանար զանգահարել, հանգիստ լինեի: Ինձ համար կարևոր էր իր ձայնը լսելը:

Հոկտեմբերի 2-ին եղավ Գարիկի վերջին զանգը: Իրենց դիրքին «սնարյադով» էին հարվածել, նահանջի ժամանակ վիրավորվել էր: Շատերն են այդ օրը վիրավորվում, շատերը կարողանում են փախչել: Հետո, երբ արդեն իրեն էինք փնտրում, ասում էին, որ վիրավոր է եղել, գուցե գերեվարել են»:

Գարիկը զոհվել է հոկտեմբերի 3-ին: «Այդ օրվանից մեզ զանգ չի եկել: Ում մենք էինք զանգում, ասում էին՝ իրենք բունկերներում են, անհանգստանալու կարիք չկա, ապահով տեղում են: Հույսով սպասում էինք: Ամուսինս եկավ Հայաստան, ես երկու երեխաներիս հետ մնացի Մոսկվայում:

Հոկտեմբերի 23-ին հեռուստացույցով լրատվական թողարկման ժամանակ ասացին, որ Գարիկ Համամյանին «Մարտական խաչ» 2-րդ աստիճանի շքանշանով են պարգևատրել: Չէր նշվում, որ այն տրվել է հետմահու: Զանգեցի ամուսնուս, ասացի, որ տվյալները մեր որդու տվյալներն են, միայն ազգանունը Թամամյանի փոխարեն Համամյան է գրվում, գուցե տառասխալ է:

Ամուսնուս ուղղորդում էի, որ տարբեր տեղեր գնա: Հետո նրան ասել էին, որ, իրոք, շփոթմունք է եղել, Գարիկն է արժանացել «Մարտական խաչի»: Տղաները տանկեր են խոցել, ուղղակի կապի խնդիր է եղել, և անունները ուշ են հայտարարել:

Քանի որ մեդալը հետմահու չէր տրվել, այդ հանգամանքն ինձ մի քիչ հանգստացնում էր, բայց նաև ներքուստ ունեի զգացողություն, որ Գարիկի հետ մի բան այն չէ: Չեմ կարող բացատրել, թե ինչ էի զգում, կարծես դատարկության նման լիներ: Եկեղեցում իմ մոմը հանգավ, դա քամուն վերագրեցի, բայց հետո ինքս ինձ ասում էի՝ Աստված էլ քեզ հասկացրեց, որ որդիդ չկա, մոմդ հանգավ:

Այդ օրերին երեխաներիս թողեցի Մոսկվայում, վերադարձա Հայաստան, և սկսեցինք ամուսնուս հետ փնտրել մեր որդուն: Ոչ մի տեղ չէինք գտնում իրեն: Տարբեր մարդկանց ենք հանդիպել, տարբեր վայրերում եղել, ոչ ոք ոչ մի կոնկրետ բան չէր ասում, բոլորը խաբում, ճանապարհում էին:

Ամենուր իրեն էինք փնտրում: Հոկտեմբերի վերջին Գարիկը եղել է Սևանի դիահերձարանում, հետո այնտեղից իրեն տեղափոխել են:

Ամուսինս այդ ընթացքում արյուն էր հանձնել, և 2021 թ. փետրվարի 25-ին զանգեցին ու ասացին, որ նա ներկայանա Հերացի: Ինձ համոզեց, մնացի տանը, ինքը գնաց: Գարիկս ճանաչելի է եղել:

Տարբեր ուղղություններով էինք մտածում, որ գուցե վիրավորվել է, գուցե գերեվարվել, բայց ինքս ինձ թույլ չեմ տվել մտածել, որ Գարիկն էլ չկա: Հետո իր հետ ծառայած լեյտենանտին, ընկերներին գտանք, ասում են՝ Գարիկը հաստատ գերի չէր ընկնի»:

Հիմա Գարիկը «տանն» է՝ Հաղարծինում: Մայրիկն ասում է՝ իր համար տաղավար են կառուցել, հուշաքար ու խաչքար տեղադրել Գարիկի և 44-օրյա պատերազմում անմահացած տղաների հիշատակին:Գարիկը քույրիկ ու եղբայր ունի: Տղաների ընտանիքներին ապրեցնողները հենց նրանք են: Բայց մայրիկին այսօր ապրեցնում, ապրելու ուժ է տալիս այն հույսը, որ մի օր հանդիպելու է որդուն:

«Չեմ ուզում պատկերացնել, որ ինքը չկա, եթե այդ ուղղությամբ երկար մտածեմ, գուցե խելագարվեմ: Երևի կգա մի օր, և մենք կհանդիպենք»:Հ. Գ. - Սերժանտ Գարիկ Թամամյանը Արցախի նախագահի հրամանագրերով հետմահու պարգևատրվել է «Մարտական ծառայություն» մեդալով, իսկ 2020 թ. հոկտեմբերի 2-ին՝ «Մարտական խաչ» 2-րդ աստիճանի շքանշանով:

Հուղարկավորված է Տավուշի մարզի հայրենի Հաղարծին գյուղի գերեզմանատանը: 

ԼՈՒՍԻՆԵ ԱՌԱՔԵԼՅԱՆ

Լրահոս

Ֆուտզալի Հայաստանի հավաքականը ՖԻՖԱ-ի վարկանիշային աղյուսակում առաջադիմել է 11 հորիզոնականով
Հայաստանն ընտրվել է ՄԱԿ Զարգացման ծրագրի, Բնակչության հիմնադրամի և Ծրագրերի գրասենյակի Գործադիր խորհրդի անդամ
Գյումրեցին համարձակ քայլ արեց, այժմ պետք է գործընթաց սկսել նաև Երևանում. Միքայել Սրբազան (տեսանյութ)
ՆԱՏՕ-ի գլխավոր քարտուղարը հուսով է, որ ԱՄՆ-ի ռազմական ուշադրությունը կտեղափոխվի դեպի Ասիա
Հայ գերիների վերադարձը մեր արժանապատվությանը նետված մարտահրավեր է․ Լիլիթ Գալստյան
Որ ամուսնանում էր, մերը խնդրում էր ինձ, որ գնայի, մասնակցեի իր հարսանիքին, շատ հիշաչար աղջիկ է․ Վարդան Ղուկասյանը՝ Նազելի Բաղդասարյանի մասին
Կանադայի արտգործնախարարը սպառնալիքներ է հնչեցրել Ռուսաստանի հասցեին
Ռուբիոն և ՆԱՏՕ-ի արտգործնախարարները քննարկել են ԱՄՆ մաքսատուրքերը․ NYT
Բաքուն կրկին հայտարարել է, թե Հայաստանին կոչ են անում «ճշգրիտ տեղեկատվություն տրամադրել» ականների մասին
Կարևոր
ԲՏԱ նախարարը պաշտպանական հարցեր է քննարկել Ֆրանսիայի ԶՈՒ սպառազինությունների տնօրինության հետ
Վրաստանը պատրաստ է ԱՄՆ-ի հետ հարաբերությունների ցանկացած զարգացման. Կոբախիձե
Չինաստանը «խուճապի է մատնվել»․ Թրամփ
Փաշինյանի կամակատար դատավորը «լայեղ չարեց» լսել ԱԺ պատգամավորներին ու գեներալներին
Կիևը ցույց է տալիս, որ հրադադար չի նախատեսում․ ՌԴ ԱԳՆ
Ստեփանակերտի բենզալցակայանի պայթյունից զոհված Արամի ընտանիքը պետության արտոնությունից չի օգտվում
ԱՄՆ-ը լավատեսորեն է տրամադրված Ուկրաինայում խաղաղ կարգավորման հարցում․ Ռուբիո
Պաշտոնական Երևանը պետք է որոշի, թե որտեղ է ավելի լավ․ Գալուզինը՝ Հայաստանի՝ ԵՄ-ին անդամակցելու հեռանկարի մասին
ԱՄՆ փոխնախագահը նշել Է Եվրոպայի համար գլխավոր սպառնալիքը
Սկսում ենք լայն համախմբման գործընթաց, համախմբվե՛ք․ արցախցիները կշարունակեն իրենք պայքարը
Կարևոր
Հայաստանը վազելով գնում է դեպի թուրքացում. Նաիրի Սարգսյան (տեսանյութ)

Լրացուցիչ նորություններ

...

Գազայի առողջապահության նախարարությունը հայտնել է մարտի 18-ից ավելի քան 1,2 հազար պաղեստինցիների մահվան մասին

Սրբուհի Գալյանը նոր պատերազմ է հայտարարել քրեական ենթամշակույթ կրող անձանց. օրվա մամուլ (տեսանյութ)

Եթե այսպես մնա, այդ տղաների գլուխն ուտելու են. Ցմահ դատապարտյալների հարազատները խիստ անհանգստացած են

«Հրապարակ». Նիկոլ Փաշինյանն ուշքի չի գալիս

«Հրապարակ». Վատ աշխատողների ցանկ են կազմում

«Հրապարակ». Այս որոշմանը սպասում են թե նախկինները, թե ներկաները

«Հրապարակ». Ովքեր դուրս կմնան ՔՊ-ից

ԿԿՀ-ն Արարատի մարզպետի ընտանիքի անդամի նկատմամբ վարչական վարույթ է հարուցել. «Ժողովուրդ»

Մի շարք դատապարտյալներ տեղափոխվել են այլ ՔԿՀ-ներ, ոմանք` «ԱԱԾ մեկուսարան». Գալյանը նոր պատերազմ է հայտարարել. «Ժողովուրդ»

10 տարի անց 3-4 միլիոն դրամը պետք է վերադարձվի պետությանը. արցախցիների բնակարանային ապահովման ծրագիրը անդադար փոխվում է. «Ժողովուրդ»

Քաղաքապետարանը փողոցներում դրոշներ, փուչիկներ, խաղալիքներ վաճառողների հանդեպ կոպիտ վերաբերմունք է ցուցաբերում. Պատգամավոր

«Հրապարակ». Գաղտնի հանդիպում և կոշտ զրույց Կասկադում

Ինչո՞ւ է «ՀայաՔվեն» այդպես «ցավեցրել» քպականներին. «Փաստ»

Իշխանությունը մերժում է Արսեն Թորոսյանի ընկերոջը. «Հրապարակ»

Հովիկ Աղազարյանը Աննա Վարդապետյանի դեմ հայց կներկայացնի դատարան. «Ժողովուրդ»

«Հրապարակ». ԲԴԽ-ն հերթական թանկարժեք գնումն է կատարել

«Ժողովուրդ». ԱՄՆ դոլարի նկատմամբ հայկական դրամի հաշվարկային փոխարժեքը նվազել է

«Հրապարակ». Արցախցիները անցնելու են կոնկրետ գործողությունների

Որ մյուս անգամ չափները չանցնեն. «Փաստ»

Հովիկ Աղազարյանը Աննա Վարդապետյանի դեմ հայց կներկայացնի դատարան. «Ժողովուրդ»