Կորեայի Հանրապետության նախագահ Յուն Սեոկ Յոլը մտադիր է հունվարի 17-ին չներկայանալ հարցաքննության։ Այս մասին ասված է նրա փաստաբան Սեոկ Դոնգ Հյունի հայտարարության մեջ։
«Նախագահն այսօր չի ներկայանա բարձրաստիճան պաշտոնյաների դեմ հակակոռուպցիոն հետաքննության վարչություն», - ասվում է փաստաբանի հայտարարության մեջ, որը տրամադրվել է ՏԱՍՍ-ին։ Հաջորդ հարցաքննության սկիզբը սպասվում էր տեղական ժամանակով 10:00-ին: Նախօրեին Յուն Սեոկ Յոլը նույնպես հրաժարվել էր հետաքննությանը ներկայանալ վատառողջ լինելու պատճառով։
Սեոկ Դոնգ Հյուն որոշումը բացատրել է նրանով, որ «առաջին օրը իր դիրքորոշումը լիովին բացատրվել է քննիչներին»: Նախագահի խոսքով՝ «ամեն մի հարցի պատասխանելու կարիք չկա»։ Ձերբակալությունից հետո հունվարի 15-ին հարցաքննության ժամանակ պետության ղեկավարը հրաժարվել է ցուցմունք տալուց։ Հարցաքննությունից հետո նրան տեղափոխել են Սեուլի կալանավայր։
