«Հենակետ» վերլուծական կենտրոնի ղեկավար Վիտալի Մանգասարյանը իր ֆեյսբուքյան էջում գրում է․
«Ինչպե՞ս կարող են դեֆորմացված և դեգրադացված մարդիկ արդյունավետ կերպով ղեկավարել երկիրը։
Կառավարության նիստի ընթացքում Նիկոլ Փաշինյանը խոսում է այն մասին, որ բանակից ազատվելը բերում է երիտասարդի դեֆորմացիայի և դեգրադացիայի:
Առաջին հայացիքից թվում է, թե Նիկոլը հերթական «գաղափարական մտորումներ» է իրականացնում, սակայն ակամա վերածվում է ինքնախոստովանության։
Ներկայիս կառավարությունում, ինչպես բազմիցս արձանագրվել է մամուլում և հանրային դիսկուրսներում, կան բազմաթիվ մարդիկ, ովքեր ազատվել են պարտադիր զինվորական ծառայությունից, այդ թվում՝ նաև հենց ինքը` Նիկոլ Փաշինյանը: Այս փաստը ուշագրավ է Փաշինյանի հայտարարության համատեքստում, որը, փաստորեն, նման անձանց պիտակավորում է որպես դեֆորմացված և դեգրադացված։ Փաստացի Փաշինյանը սլաքներն ուղղում է հենց իր, այնուհետ իր իսկ գլխավորած կառավարության կազմի վրա։
Նիկոլը, ըստ էության, ակնարկում է, որ իր կառավարությունը ձևավորված է անհամապատասխան որակներով ու արժեքներով մարդկանցով, այս դեպքում ինչպե՞ս կարող է նման կառավարությունը արդյունավետ կերպով ղեկավարել երկիրը։
Երբ կառավարությունը ձախողվում է իր հիմնական առաքելություններում՝ տնտեսություն, անվտանգություն, արտաքին հարաբերություններ, ակամա առաջանում է հարց՝ արդյո՞ք սա արդյունք չէ այն դեֆորմացիայի ու դեգրադացիայի, որի մասին Նիկոը խոսում է։
Այս հայտարարությունը պետք է դիտարկել որպես ինքնախոստովանություն այն մասին, որ ներկա կառավարությունը չի համապատասխանում երկրի առջև ծառացած մարտահրավերներին»:
