Միացյալ Նահանգների 44-րդ նախագահ Բարաք Օբամայի կինը՝ Միշել Օբաման, չի մասնակցի ԱՄՆ ընտրված առաջնորդ Դոնալդ Թրամփի երդմնակալությանը։ Այս մասին Associated Press-ին հաստատել են Օբամայի զույգի մամուլի ծառայությունից։
«Նախկին նախագահ Բարաք Օբաման հաստատվել է, որ կմասնակցի երդմնակալության 60-րդ արարողությանը: Նախկին առաջին տիկին Միշել Օբաման չի մասնակցի ապագա երդմնակալությանը»,- ասվում է հայտարարության մեջ: Այս որոշման պատճառները չեն նշվում։
Միշել Օբաման բացակայել է նաեւ երկրի 39-րդ նախագահ Ջիմի Քարթերի հուղարկավորությանը։ Այսպիսով, Թրամփի երդմնակալությունը կդառնա անընդմեջ երկրորդ հանրային միջոցառումը, որին նրա ամուսինը միայնակ է մասնակցելու։ Հունվարի 20-ին Վաշինգտոնում կայանալիք արարողությանը կժամանեն նաև ԱՄՆ նախկին նախագահներ Բիլ Քլինթոնը և Ջորջ Բուշն իրենց կանանց Հիլարիի և Լաուրայի հետ։
