Փաշինյանն ու Միրզոյանը անցած երեկո ևս մեկ քայլով պատերազմը մոտեցրեցին մեր երկրի սահմաններին. քաղաքագետ

15.01 11:53 | Կատեգորիա Մտքեր

ՀՀ և ԱՄՆ միջև Ռազմավարական գործընկերության կանոնադրությունը ստորագրելու գործում ցուցաբերված շտապողականությունը պարզ է. այս փաստաթղթով ԱՄՆ-ն ողջույններ է հղում Ռուսաստանի և Իրանի նախագահներին, որոնք հունվարի 17-ին Մոսկվայում համապարփակ ռազմավարական գործընկերության համաձայնագիր են պատրաստվում ստորագրել։ Այս մասին գրել է քաղաքագետ Հրանտ Մելիք-Շահնազարյանը։

Հայ-ամերիկյան փաստաթղթի ուշադիր ընթերցողը կտեսնի, որ այնտեղ Իրանին ու Ռուսաստանին անհանգստացնող (եթե չասենք՝ սպառնացող) բազում դրույթներ կան։ Ստորագրված կանոնադրությունը, ըստ էության, Հայաստանը դարձնում է տարածաշրջանում ԱՄՆ վերահսկողական ծրագրերի իրականացման գործիք, որն ամեն պահ կարող է օգտագործվել թե՛ Մոսկվայի և թե՛ Թեհրանի դեմ։

Իսկ սա առնվազն նշանակելու է հակազդեցություն։ Ցավոք, Հայաստանը շարունակում է մնալ աշխարհաքաղաքական կենտրոնների շահերի բախման վայր, ինչը բազւմ վտանգներ է պարունակում մեզ համար։

Հայաստանի իշխանությունները հետևողականորեն սրում են Ռուսաստանի և Իրանի հետ հարաբերությունները։ Դա արդեն ոչ թե համագործակցությունից հրաժարվելու, այլ կոնկրետ հակամարտության է նմանվում։ Ի՞նչ կարող է ստանալ Հայաստանն այդ հակամարտությունից։ Իհարկե՝ միայն նոր կորուստներ։

Իսկ որո՞նք են այն երաշխիքները, որ մեր երկիրը կարող է դիմակայել Ադրբեջանի, Թուրքիայի, Իրանի և Ռուսաստանի հետ զուգաեռ ընթացող փաստացի բոլոր այս հակամարտություններում։ Չկան նման և ոչ մի երաշխիք։ Հետևաբար ո՞րն է Փաշինյանի կառավարության իրական նպատակը։

Փաշինյանն ու Միրզոյանը անցած երեկո ևս մեկ քայլով պատերազմը մոտեցրեցին մեր երկրի սահմաններին։ Վախենամ, թե այն այլևս անխուսափելի է։

Վստահ եմ՝ Ադրբեջանի դիվանագետներն առավոտյան ժամը 6-ից ՀՀ և ԱՄՆ միջև ստորագրված կանոնակարգը ձեռքներին կանգնած են Ռուսաստանի և Իրանի արտգործնախարարությունների դռների առջև։ Մի քանի օր առաջ Ալիևը վստահեցնում էր, որ Սյունիքի համար հնարավոր պատերազմն ուղղված չի լինելու Մոսկվայի և Թեհրանի դեմ։ Այսօրվանից նա կասի, որ այդ պատերազմը հանուն նրանց շահերի է։ Եվ, ինչ-որ առումով, կլինի ճիշտ։

Ահա, թե ինչ են արել նախօրեին Փաշինյանն ու Միրզոյանը, համոզված եմ՝ նույն Ալիևի թելադրանքով։ Արդյունքում՝ ԱՄՆ-ն իր խնդիրներն է լուծում, Ադրբեջանը՝ իր։ Եվ այդ ամբողջը կրկին Հայաստանի հաշվին։

Ամենաշատ կարդացվածներ

Անխափան, լավ հյուրերով լի եթեր և նոր ակնկալիքներ․ արտիստների շնորհավորանքը՝ Euromedia24-ին (տեսանյութ)

30.12 15:55 | Կատեգորիա Հասարակություն

ՄԱԿ-ի ԱԽ-ն ընդունել է Գոլանի բարձունքներում խաղաղապահների մանդատի երկարացման շուրջ ՌԴ-ի և ԱՄՆ-ի բանաձևը

30.12 15:20 | Կատեգորիա Համաշխարհային

Եվրոմեդիան հնարավորություն է տալիս իրականությունը ներկայացնելու. քաղաքական գործիչների շնորհավորանքը (տեսանյութ)

30.12 16:49 | Կատեգորիա Հասարակություն

Հայկ Մարտիրոսյանը աշխարհի կայծակնային շախմատի առաջնությունում հաղթեց Մագնուս Կարլսենին

30.12 16:38 | Կատեգորիա Սպորտ

Եմենի իշխանությունները 90 օրով արտակարգ դրության ռեժիմ են սահմանել և ԱՄԷ ուժերից պահանջել դուրս գալ երկրից

30.12 16:26 | Կատեգորիա Համաշխարհային

ԱՄՆ-ն լրջորեն դիտարկում է Թուրքիային F-35-երի մատակարարումը. Թրամփ

30.12 15:48 | Կատեգորիա Համաշխարհային

Արգենտինացի ֆուտբոլիստի դեմքի մի մասը պարալիզացվել է

31.12 00:13 | Կատեգորիա Սպորտ

Ղազախստանում արգելվել է ԼԳԲՏ քարոզչությունը լրատվամիջոցներում և համացանցում

31.12 01:08 | Կատեգորիա Համաշխարհային

Պուտինն ու Իրանի նախագահը հեռախոսազրույց են ունեցել

30.12 19:45 | Կատեգորիա Համաշխարհային

ՈՒՂԻՂ