ՌԴ-ում հայ գործարարները մտահոգված են ԵԱՏՄ-ից Հայաստանի հնարավոր դուրս գալու մասին քննարկումներով․ Կարապետյան

14.01 12:56 | Կատեգորիա Տնտեսական

Ռուսաստանի Դաշնությունում հայ գործարար համայնքի ներկայացուցիչները խորապես մտահոգված են Եվրասիական տնտեսական միությունից Հայաստանի հնարավոր դուրս գալու վերաբերյալ քննարկումներով։Այդ մասին հայտարարել է Հայ գործարարների ասոցիացիայի և «Տաշիր» ընկերությունների խմբի նախագահ Սամվել Կարապետյանը՝ մեկնաբանելով Հայաստանի և ԵԱՏՄ-ի հետ կապված հարցերը։

«Գլոբալ տնտեսական և աշխարհաքաղաքական մարտահրավերների պայմաններում Հայաստանի անդամակցությունը ԵԱՏՄ-ին չափազանց կարևոր է երկրի տնտեսության կայունության համար, որտեղ արտաքին առևտրաշրջանառության գրեթե կեսը բաժին է հասնում ԵԱՏՄ երկրներին»,- նշել է նա։

Կարապետյանը նաև հավելել է, որ չնայած Եվրամիության «գրավչությանը», ԵԱՏՄ-ին մասնակցությունը ոչ միայն նպաստում է տնտեսական աճին, այլև ապահովում է անվտանգության կարևոր մակարդակ, ինչը չափազանց կարևոր է ներկայիս անորոշ միջազգային իրավիճակում։Պատասխանելով ԵԱՏՄ-ի հետ կապերի հնարավոր խզման հետևանքների մասին հարցին՝ Կարապետյանը մատնանշել է բացասական հետևանքները. մաքսատուրքերի ներդրումը կարող է բարդացնել արտահանումը ԵԱՏՄ երկրներ, այդ թվում՝ Ռուսաստան՝ նվազեցնելով ապրանքների մրցունակությունը։

Սա կհարվածի նաև ներդրումային միջավայրին՝ հաշվի առնելով, որ Հայաստանում Ռուսաստանը հիմնական ներդրողն է:

Կարապետյանը նշել է նաեւ աշխատաշուկայի կարեւորությունը. ԵԱՏՄ երկրներում աշխատող Հայաստանի քաղաքացիները օգտվում են արտոնյալ պայմաններից, իսկ միությունից դուրս գալը կբարդացնի Ռուսաստանում աշխատուժի համար իրավիճակը, ինչը կարող է հանգեցնել դեպի Հայաստան տրանսֆերտների նվազմանը։

Կարապետյանը հատուկ ուշադրություն է դարձրել Հայաստանի էներգետիկ անվտանգության խնդրին։ Այսօրվա համաշխարհային տնտեսության մեջ էներգետիկ ռեսուրսները առանցքային դեր են խաղում կայուն զարգացման և կայունության ապահովման գործում:

1990-ականներին էներգետիկ ճգնաժամ ապրած Հայաստանի համար այս հարցը հատկապես արդիական է։ ԵԱՏՄ-ին անդամակցությունն ավելի բարենպաստ պայմաններ է ապահովում Ռուսաստանից էներգառեսուրսների մատակարարման համար, ինչը չափազանց կարևոր է նրա տնտեսության համար։

Կարապետյանը հույս է հայտնել, որ Հայաստանի իշխանությունները կհասկանան քայլերի հնարավոր հետևանքները, որոնք երկիրը կրկին կարող են տանել ճգնաժամի։

«Այսօր չափազանց կարևոր է կենտրոնանալ երկրի անվտանգության խնդիրների վրա, այդ թվում՝ տնտեսական կայունության և մրցունակության բարձրացման միջոցով, և ոչ թե քաղաքական հավակնությունները վեր դնել տնտեսական շահերից։

Նման մոտեցման հետևանքների օրինակները մենք կարող ենք տեսնել Վրաստանի իրավիճակում, որտեղ քաղաքական որոշումները բացասաբար են ազդել երկրի կայունության վրա»,- ընդգծել է նա։

Ամենաշատ կարդացվածներ

Հայսատանում դեղապահովման գործընթացը իր բոլոր մակարդակներում գտնվում է անմխիթար վիճակում․ Ծաղիկ Վարդանյան

16.04 20:09 | Կատեգորիա Մտքեր

Ոչ մի բանական մարդ պшտերшզմ չի ցանկանում, բայց սա չի նշանակում, որ այդ բառը պետք է դառնա հանրությանը սարսափի մեջ պահելու գործիք․ Վարդան Ոսկանյան

16.04 23:53 | Կատեգորիա Մտքեր

Մեկնարկել է միջբուհական «Ունիվերսիադա-2025» մրցույթը (տեսանյութ)

16.04 20:55 | Կատեգորիա Հասարակություն

ՊՍԺ-ն դուրս գալով ՉԼ կիսաեզրափակիչ նոր ռեկորդ է սահմանել

16.04 22:13 | Կատեգորիա Սպորտ

Բարոյական իրավունքներից զուրկն ասում է՝ արցախցները մնային կռվեին, թե չէ մի տաս հոգի են զոհվել. Արշավիր Ղարամյան

17.04 23:50 | Կատեգորիա Մտքեր

Սպիտակ տունը հերքել է չինական ապրանքների մաքսատուրքերի բարձրացման մասին տեղեկությունները

16.04 22:11 | Կատեգորիա ԱՄՆ

Սյունիքի մարզում իրանցի վարորդը «Howo» բեռնատարով բախվել է երկաթե արգելապատնեշներին և կողաշրջվել

16.04 20:18 | Կատեգորիա Պատահարներ

Երևանում 29-ամյա տղամարդը կեղծ թղթադրամներ է տվել հյուրանոցի աշխատակցին

17.04 00:06 | Կատեգորիա Պատահարներ

Բուհը նաև հայրենադարձությանն է նպաստում (տեսանյութ)

16.04 22:50 | Կատեգորիա Հասարակություն

ՈՒՂԻՂ

ԱՄՆ դատարանը դադարեցրել է զանգվածային կրճատումները Սպառողների ֆինանսական պաշտպանության բյուրոյում