Սիրիայի ազատ բանակը (ԱՍԲ)՝ Թուրքիայի աջակցությամբ, ծանր զինատեսակներ է տեղակայել Սիրիայում քրդական զինված ուժերի հետ շփման գծում՝ նախապատրաստվելով հնարավոր ռազմական գործողությանը։ Այս մասին հայտնում է Türkiye թերթը՝ նշելով, որ թուրքական բանակը դիտարկում է նաեւ քրդերի հետ հակամարտությունը ուժով լուծելու տարբերակը։
FSA-ն ամրապնդել է իր դիրքերը Հալեպի, Հասաքայի և Ռաքքայի նահանգների մի շարք շրջաններում։ Սիրիական ազատ բանակի հրամանատարությունը նշել է, որ այս շրջաններում ուժեղացրել է իր ստորաբաժանումները, որոնք այժմ գտնվում են լիարժեք մարտական պատրաստության մեջ։ Շփման գիծ են տեղակայվել զրահատեխնիկա և լրացուցիչ անձնակազմ։
Թուրքիան ներկա փուլում չի պատրաստվում Սիրիայում քրդական ուժերի դեմ ուղղակի ռազմական գործողության, սակայն օրակարգից չի հանում այդ տարբերակը։
T rkiye-ն գրում է, որ Թուրքիայի պաշտպանության նախարարության և գլխավոր շտաբի ղեկավարությունը նախկինում ստուգումներ է անցկացրել Սիրիային սահմանակից շրջաններում ծառայող զինված ուժերի ստորաբաժանումներում և հատուկ նշանակության ջոկատներում։
Այդ զորքերը կներգրավվեն ռազմական գործողություն իրականացնելու որոշման դեպքում։
