Իրաքի վարչապետ Մուհամեդ ալ Սուդանին առաջարկել է Բաղդադում երկխոսության ձևաչափով համաժողով անցկացնել, որին կմասնակցեն Մերձավոր Արևելքի բոլոր երկրների ներկայացուցիչները։ Նա համապատասխան հայտարարություն է արել Իրան կատարած այցի ժամանակ։
«Մենք կոչ ենք անում Բաղդադում անցկացնել տարածաշրջանային համաժողով՝ համապարփակ երկխոսության ձևաչափով, որը կերաշխավորի խաղաղությունն ու անվտանգությունը Մերձավոր Արևելքում, ինչպես նաև կնպաստի մեր տարածաշրջանի երկրների միջև վստահության վրա հիմնված հարաբերությունների ամրապնդմանը», Նրա խոսքերը մեջբերել է INA գործակալությունը։
Ալ-Սուդանին ընդգծել է, որ, իր կարծիքով, Մերձավոր Արևելքի երկրները պետք է «փոխադարձ սպառնալիքներից անցնեն ընթացիկ խնդիրների քննարկմանը», որպեսզի լուծեն իրենց միջև առկա տարաձայնությունները։
Իրաքի վարչապետը դեռ տեղեկություն չի հայտնել համաժողովի սպասվող ժամկետի եւ մասնակիցների կազմի մասին։
