Սոմալիում ականապատ մեքենայի պայթյունից զոհվել են Եվրոպայի առաջնության եզրափակիչը դիտող ֆուտբոլասերները

15.07.2024 20:33 | Կատեգորիա Համաշխարհային

Սոմալիի մայրաքաղաք Մոգադիշոյում ականապատ մեքենա է պայթեցվել հայտնի սրճարաններից մեկի մոտ, որտեղ ֆուտբոլասերները դիտում էին 2024 թ․ Եվրոպայի առաջնության եզրափակիչ խաղն Իսպանիայի և Անգլիայի միջև։ Այս մասին հաղորդում է «Արմենպրես»-ը՝ վկայակոչելով BBC-ն։Պայթյունի հետևանքով զոհվել է 9 մարդ, 20 մարդ վիրավորվել է։Հարձակման պատասխանատվությունը ստանձնել է «Ալ Շաբաբ» ջիհադիստական խմբավորումը։Ըստ ականատեսների՝ պայթյունի պահին սրճարանը լիքն է եղել, որոշ մարդիկ նստած են եղել դրսում՝ մայթին։ Պայթյունի հետևանքով վնասվել են նաև մի քանի մեքենաներ և շենքեր։«Ալ Շաբաբ» խմբավորումը, որը «Ալ Քաիդա» խմբավորման մասն է կազմում, ըստ տեղեկությունների, հայտնել է, թե թիրախավորում է վայրը, որտեղ գիշերը հավաքվում են անվտանգության և պետական աշխատողները։Ջիհադիստական խմբավորումը վերջին 17 տարիների ընթացքում բազմաթիվ ռմբակոծություններ է իրականացրել Մոգադիշոյում և Սոմալիի այլ քաղաքներում։ Վերջին ամիսներին, սակայն, իրավիճակն ավելի հանգիստ էր, քանի որ Սոմալիի անվտանգության ուժերը գործողություններ էին ձեռնարկում խմբավորման դեմ, որը դեռ վերահսկում է երկրի շատ հատվածներ։

Լրահոս

21:17

«Շառլոտ»-ի գործունեությունը դադարեցվել է.Եվրախորհրդարանում տեղադրվել է Թրամփի մերկ արձանը

20:45

Պատկերացնում ե՞ք՝ տեսանյութը չլիներ, չէինք իմանա՝ դպրոցական Է ծեծի ենթարկվել (տեսանյութ)

20:26

Կենդանակերպի 3 նշաններ, որոնք կունենան հաջող 2027 թվական. կհայտնվի կարևոր ծրագրեր իրականացնելու հնարավորություն

20:07

Խոշոր ավտովթար․ կան վիրավորներ

19:49 Կարևոր

Երթևեկության ժամանակավոր սահմանափակումներ՝ պայմանավորված «Էրեբունի-Երևան 2808» տոնակատարությամբ