Արմատական պաղեստինյան ՀԱՄԱՍ շարժումը Գազայի հատվածում իրավիճակը կարգավորելու համար ԱՄՆ նախագահ Ջո Բայդենի աջակցությամբ գործարքի պլանում 29 փոփոխության է ձգտել, Իսրայելի վարչապետ Բենիամին Նեթանյահուն մերժել է բոլորը։ Այդ մասին ՏԱՍՍ-ին հայտնել է Իսրայելի կառավարության ղեկավարի գրասենյակի խորհրդական Դմիտրի Գենդելմանը։«Համասը փորձեց 29 փոփոխություն մտցնել [Բայդենի] ներկայացրած ծրագրում, Նեթանյահուն հրաժարվեց կատարել այդ փոփոխությունները»,- ասել է նա։Նա հավելել է, որ «Իսրայելը ոչ մի միլիմետր չի շեղվել այն պլանից, որը պաշտպանել է նախագահ Բայդենը»։ Մասնավորապես, իսրայելական կողմը «ոչ ավելացրել, ոչ էլ հանել է որևէ պայման», - ասել է Գենդելմանը, նշելով, որ «Իսրայելը թույլ չի տա նաև ՀԱՄԱՍ-ի կողմից ծրագրում որևէ փոփոխություն»:Մայիսի 31-ին ԱՄՆ նախագահ Ջո Բայդենը հայտարարեց Գազայի հատվածում խաղաղ կարգավորման վերաբերյալ նոր համաձայնագրի նախագծի պայմանները, որը բաղկացած է երեք փուլից։ Առաջինը նախատեսված է վեց շաբաթվա համար և ներառում է կրակի ամբողջական դադարեցում, իսրայելական զորքերի դուրսբերում բնակեցված վայրերից, ՀԱՄԱՍ-ի պատանդների ազատ արձակումը՝ իսրայելական բանտերից հարյուրավոր պաղեստինցի բանտարկյալների ազատ արձակման դիմաց: Այս ընթացքում կողմերը պետք է սկսեն բանակցությունները, և հրադադարը կգործի մինչև փոխըմբռնման հասնելը։ Երկրորդ փուլը ներառում է բոլոր պատանդների, այդ թվում՝ զինվորականների ազատ արձակումը։ Երրորդ փուլը Գազայի հատվածի վերականգնումն է և մահացած իսրայելցիների աճյունների փոխանցումը հարազատներին։
ՀԱՄԱՍ-ը փորձել է 29 փոփոխություն կատարել Գազայի գործարքի պլանում
15.07.2024 19:56 |
Կատեգորիա
Համաշխարհային
