Թուրքիայի նախագահ Ռեջեփ Թայիփ Էրդողանը չի կարող հանդես գալ որպես հնարավոր միջնորդ ուկրաինական հակամարտությունը կարգավորելուն ուղղված բանակցություններում, Ռուսաստանի Առաջին ալիքին ասել է Կրեմլի խոսնակ Դմիտրի Պեսկովը։ Հարցին, թե հնարավո՞ր է, որ Թուրքիայի նախագահը միջնորդ դառնա այս բանակցությունների ընթացքում, Պեսկովն ասել է. «Ոչ, անհնար է»։ Բացի այդ, Պեսկովը հաստատել է, որ այսօրվա հանդիպմանը Էրդողանը և նախագահ Վլադիմիր Պուտինը անդրադարձել են Ուկրաինայի հակամարտությանը։ «Այո, [այս հարցը] դրված էր սեղանին»,- ասաց նա։ Ռուսաստանի և Թուրքիայի ղեկավարները երկկողմ բանակցություններ են վարել ՇՀԿ գագաթնաժողովի շրջանակներում։ Շուրջ մեկ ժամ տևած նրանց բանակցությունները հիմնականում վերաբերում էին տնտեսական համագործակցությանը, մասնավորապես՝ էներգետիկայի ոլորտին։ Մեկ այլ խնդիր էր ռուսների Թուրքիա մեկնելը, քանի որ 2023-ին Ռուսաստանից զբոսաշրջիկների ռեկորդային հոսք է գրանցվել։ Բացի այդ, Պուտինը Էրդողանին խոստացել է, որ անպայման այց կկատարի Թուրքիա, քանի որ նրա այցը վաղուց նախատեսված էր, սակայն ժամանակացույցերը հնարավոր չէր համաձայնեցնել։ Էրդողանն ասել է, որ ակնկալում է, որ իր գործընկերը «ամենակարճ ժամկետում» կգա իր երկիր։
Կրեմլը հայտարարել է, որ Էրդողանը հնարավոր միջնորդ չէ Ուկրաինայի բանակցություններում
04.07 17:00 |
Կատեգորիա
Քաղաքական
