Հայաստանը, որպես արագ զարգացող զբոսաշրջային ուղղություն, իսկ Ծաղկաձորը, որպես Հայաստանի ամենահայտնի տուրիստական գոտի, ակնհայտորեն ունեն միջազգային հինգ պլյուս աստղանի լաքշրի սեգմենտի հյուրանոցի կարիք։ Wyndham Tsaghkadzor պրոյեկտը ի սկզբանե պահպանելով բոլոր միջազգային նորմերը և ավելի ամրապնդելով իր դիրքերը, հասավ հյուրանոցային ամենաբարձր գնահատականին և շնորհվեց Wyndham Grand Tsaghkadzor անունը:
Այն 77-րդ հյուրանոցն է ամբողջ աշխարհում, որ գործելու է Wyndham Grand բրենդի ներքո։ Սա կարևոր իրադարձություն է մեր երկրի համար, որը կբերի միջազգային ամենաբարձր ստանդարտների ներդրմանը Հայաստանում, կնպաստի երկրի տուրիզմի զարգացմանը: Վստահ ենք, որ հյուրանոցը կդառնա լավագույնը ոչ միայն Հայաստանում, այլև լավագույներից մեկը ամբողջ աշխարհում։
Այս պահին շինարարությունը ակտիվ փուլում է և համաատասխանում է պլանավորված գրաֆիկին, ամբողջ շինարարությունը վերահսկվում է Wyndham Hotels and Resorts-ի կողմից։ Հյուրանոցը իր նրբաոճ դիզայնով, գերժամանակակից ինժիներական և ավտոմատացված համակարգերով, բարձրակարգ սպասարկմամբ կբավարարի անգամ ամենաքմահաճ հաճախորդին։
Շատ մեծ տեղ է տրվել բնապահպանական խնդիրներին, բակային հատվածում կկառուցվի գեղեցիկ այգի, հյուրանոցի տարածքում կգործի նաև ձմեռային այգի։ Ինչպես նշվել է բազմաթիվ անգամ սա այն եզակի նախագծերից է, որի շինարարության մեկնարկին չի կտրվել նույնիսկ 1 ծառ։
