ՀՀ վարչապետ Նիկոլ Փաշինյանը նորից հակասում է ինքն իրեն՝ մի ձեռքով իբր ծառայողական մեքենաներն է կրճատում, որ հրաժարվի պադավատապետությունից, մյուս ձեռքով համալրում է իրեն սպասարկող մեքենաների շարքը։
Երեկ մամուլից հայտնի դարձավ, որ ՀՀ վարչապետ Նիկոլ Փաշինյանը պետբյուջեից իր աշխատակազմի համար գնել է նոր մեքենա, որի արժեքն է ՝ 44 մլն դրամ, ինչը ուղիղ հակասում է իր՝ օրեր առաջ արած հայտարարությանը, որտեղ ասվում էր՝ ճոխությունները անթույլատրելի են և ծառայողական մեքենաները նույնպես ճոխություն են համարվում։ Նոր մեքենայի գնման մասին տեղեկանում ենք այստեղ։
Փաշինյանի «կացնային» ավտոպարկի կրճատումը վերաբերվում էր միայն Ալեն Սիմոնյանի՞ն, որ կրճատվեց նրա ծառայողական մեքենաներից մեկը, որը սպասարկում էր ԱԺ նախագահի մայրիկին՝ Հովհաննիսյան Մարինեին։
Հիշեցնենք, որ Նիկոլ Փաշինյանի՝ պետական համակարգի մեքենաները կրճատելուց հետո, վարչապետի աշխատակազմում հրաժարվել են 16 տարի առաջ արտադրված ավտոմեքենաներից և Փաշինյանի հրահանգից 10 օր անց՝ դեկտեմբերի 2-ին, վարչապետի աշխատակազմը կրճատել էր 2008 թվականի արտադրության «Nissan Altima» և 2009 թվականի արտադրության երկու «Mercedes Benz S350» մակնիշի ավտոմեքենաները։
Հիշեցնենք նաև, որ Նիկոլ Փաշինյանը նոյեմբերի 22-ին տված հարցազրույցում հայտարարել էր, որ մոտ 80-90 տոկոսով կրճատելու է պետական ապարատի ծառայողական մեքենաները։
