Վավերագրական ֆիլմերի ռեժիսոր Հովհաննես Իշխանյանը ֆեյսբուքյան իր էջում գրել է, որ ռոք ալբոմի համար սպառնացել են կիթառահար, երգահան Տիգրան Ավետիսյանին:
«Էսօր փակ համարից զանգել են Տիգրան Ավետիսյանին ու ասել՝– Կարո՞ղ ա ուզում ես վաղը չզարթնես։
Տիկոն, հարցրել ա, հանցագործությո՞ւն ես ուզում, թե՞ ինչ նկատի ունես, սա ասել ա․
– Բա շնորհանդես ես անում, նիկոլին ես կպնում, վիդեոյիդ մեջ ասում ես՝ կենդանի-մենդանի։
Դու նայի, որ տենց շարունակես, վաղը կարող ա չզարթնես։
Տիկոն հարցնում ա՝ որ հետս խոսում ես, վախեցողի տպավորություն եմ թողնում։ Ում հետ եմ խոսում։
Սա թե՝ կարևոր չի, նայի ես քեզ զգուշացրի։ Նշում՝ խոսքերը բառացի չի փոխանցված»,-գրել է նա:
Հովհաննես Իշխանյանը հիշեցրել է՝ Տիգրան Ավետիսյանը նոյեմբերին թողարկել է «Սխալ երկիր» անունով ալբոմը, որը նվիրված է 2020-2023թթ հրահրաված պատերազմներում բոլոր զոհվածներին:
«Ալբոմը կոշտ քննադատություն է Արցախը հանձնած դավաճաններին։ Իհարկե, ոստիկանության համար մեծ խնդիր չի այս գործը բացահայտելը: Իմ կողմից ավելացնեմ, որ ես էլ համաձայն չեմ, որ Նիկոլ Փաշինյանը կենդանի ա, կենդանական աշխարհում չկա մեկը, որն իրա տեսակին հանձնի թշնամի կենդանիներին ու դեռ մի հատ էլ շարունակի ղեկավարել»,-գրել է Իշխանյանը:
