Այս գիշեր Ռուսթավելի պողոտայում շարունակվել են բողոքի ակցիայի մասնակիցների ձերբակալությունները։ Վրաստանի ներքին գործերի նախարարության տվյալներով՝ գիշերվա ընթացքում բերման է ենթարկվել 50 մարդ։
Վերջին օրերին ձերբակալվածների ընդհանուր թիվը գերազանցել է 200-ը։
Փաստաբանները հայտնում են, որ ձերբակալվածներից մի քանիսն ազատ են արձակվել, իսկ մյուսները գտնվում են ժամանակավոր պահման վայրերում կամ բուժհաստատություններում։
Ձերբակալվածները մեղադրվում են ոստիկանությանը չենթարկվելու և մանր խուլիգանության մեջ։
