Վեհափառը հորդորել է նորաօծ քահանաներին լինել արժանավոր և բարձր պահել Հայոց Եկեղեցու բարի համբավը

26.11 17:02 | Կատեգորիա Հասարակություն

Նոյեմբերի 26-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունեց Միածնաէջ Մայր Տաճարում օրեր առաջ քահանայական կոչման արժանացած 6 եկեղեցականներին` առաջնորդությամբ Մայր Աթոռ Սուրբ Էջմիածնի լուսարարապետի պաշտոնակատար Հոգեշնորհ Տ. Հարություն վարդապետ Կիրակոսյանի և Արթիկի թեմի առաջնորդ Գերաշնորհ Տ. Նարեկ եպիսկոպոս Ավագյանի:

Հանդիպմանը Հայր Հարությունը Ամենայն Հայոց Կաթողիկոսին ներկայացրեց նորաօծներին՝ հայցելով Նորին Սրբության օրհնությունն ու պատգամը ձեռնադրյալներին։ Նարեկ Սրբազանն իր հերթին երախտագիտություն հայտնեց Հայոց Հովվապետին քահանայական ձեռնադրություն կատարելու պատվին արժանացնելու համար։

Այնուհետև քահանայական ձեռնադրության առիթով հոգևորականներին շնորհավորեց Ամենայն Հայոց Կաթողիկոսը՝ բերելով նրանց իր հայրական օրհնությունն ու բարեմաղթանքները:

Վեհափառ Հայրապետը հորդորեց նորաօծ քահանա հայրերին լինել արժանավոր եկեղեցականներ, իրենց նվիրյալ ծառայությամբ բարձր պահել Հայոց Եկեղեցու բարի համբավն ու հեղինակությունը, զորացնել հայորդիների սրտերում աստվածսիրությունը, հայրենասիրությունն ու եկեղեցասիրությունը։

Հայոց Հովվապետը ձեռնադրյալներին պատգամեց հոգեխնամ ու կրթադաստիարակչական գործունեությամբ նպաստել հայ ժողովրդի առջև ծառացած մարտահրավերների հաղթահարմանը։

Վեհափառ Հայրապետը իր գնահատանքը բերեց ձեռնադրող Նարեկ Սրբազանին, ինչպես նաև Մայր Աթոռի հոգևոր կրթական հաստատությունների տեսչությանն ու լուսարարապետությանը եկեղեցականների պատրաստության և ձեռնադրության գործում ներդրած ջանքերի համար։

Վերջում Նորին Սրբությունը «Պահպանիչ» աղոթքով օրհնեց քահանա հայրերին՝ մաղթելով արդյունաշատ հոգևոր առաքելություն:

Ամենաշատ կարդացվածներ

2.5 մլն դոլար. Լիլիթ Հովհաննիսյանը կնկարահանվի ամերիկյան ֆիլմում (ֆոտո)

22.04 20:59 | Կատեգորիա Ժամանց

Ոչ թե ցեղասպանությունը մոռանալն ու ուրանալն է բարձրացնում մեր անվտանգությունը, ինչպես հիմա քարոզում են, այլ ճիշտ հակառակը. թյուրքագետ

22.04 21:50 | Կատեգորիա Մտքեր

Ջրվեժում բախվել են ՀՀ ՆԳՆ ոստիկանության ուղեկցող գնդին պատկանող «Газель»-ն ու «Nissan»-ը

22.04 21:23 | Կատեգորիա Պատահարներ

Թրամփի վարչակազմը բանակցություններ Է նախատեսում 34 երկրների հետ․ Սպիտակ տուն

23.04 01:00 | Կատեգորիա ԱՄՆ

Գյուղերում մարդիկ գիշերը չեն քնում` և´ կրակահերթերի, և´ վախի, և´ անհանգստության բերումով. Տիգրան Աբրահամյան

22.04 22:51 | Կատեգորիա Մտքեր

Կանխարգելե՛լ այս վտանգավոր ձկնատեսակի ներկրումը Հայաստան․ Ահազանգ

22.04 20:43 | Կատեգորիա Մտքեր

Ամենամեծ եկամուտ ունեցած մարզիկները` պատմության մեջ

22.04 21:26 | Կատեգորիա Սպորտ

Տիմատին կրկին իրավապահների ուշադրության կենտրոնում

22.04 22:12 | Կատեգորիա Ժամանց

«Մանչեսթեր Սիթին» ցանկանում է իրագործել ԱՊԼ-ի պատմության ամենաթանկարժեք տրանսֆերը

22.04 23:45 | Կատեգորիա Սպորտ

ՈՒՂԻՂ