Գերմանական կողմի նախաձեռնությամբ կայացել է ՌԴ նախագահ Վլադիմիր Պուտինի և Գերմանիայի կանցլեր Օլաֆ Շոլցի առաջին հեռախոսազրույցը 2022 թվականի դեկտեմբերից ի վեր։ Հաղորդում է Կրեմլի մամուլի ծառայությունը.
«Զրույցի ընթացքում ՌԴ ղեկավարը Շոլցին ասել է, որ Ուկրաինայում հակամարտությունը սկսվել է Ռուսաստանի դեմ ՆԱՏՕ-ի ագրեսիվ քաղաքականության պատճառով:
Վլադիմիր Պուտինը հիշեցրել է, որ ներկայիս ճգնաժամը ՆԱՏՕ-ի երկարամյա ագրեսիվ քաղաքականության ուղղակի արդյունքն է, որի նպատակն է ստեղծել հակառուսական ցատկահարթակ Ուկրաինայի տարածքում՝ անտեսելով մեր երկրի անվտանգության շահերը և ոտնահարելով ռուսալեզու բնակիչների իրավունքները»,- ասվում է Կրեմլում։
Պուտինն ընդգծել է, որ Ռուսաստանը երբեք չի հրաժարվել հակամարտությունը կարգավորելու փորձերից և բաց է բանակցությունների վերսկսման համար, որոնք ընդհատվել են Կիևի ռեժիմի կողմից: Ասված է հրապարակման մեջ։
