Իհարկե, մարդիկ հերոս են: Հերոս են, որովհետև աշխատատեղ են ստեղծում, որովհետև այդ աշխատանքով սնում, զենք են տալիս զինվորին:
Այդ մասին ԱԺ–ում ասաց ԱԺ նախագահ Ալեն Սիմոնյանը՝ անդրադառնալով ընդդիմության քննադատությանը, թե ինչու է իշխանությունը հարկ վճարողին հերոս անվանում:
«Մտածում են՝ կարող ա՞ մարդիկ իրոք դառնան հերոս, կարող ա՞ մարդիկ հասկանան, որ իրենք քաղաքացի են, իրավունքներ ունեն, վաղը մյուս օր հրաժարվեն ընտրակաշառք վերցնել։ Իհարկե, հերոս են, քանի որ աշխատատեղ են ստեղծում, սնում ու զենք են տալիս այն զինվորին, ում մասին խոսում եք»,- ասաց Սիմոնյանը։
Սիմոնյանը նաև նշեց, որ ԱԺ ավտոպարկը՝ 2018-ից սկսած, 46 տոկոսով կրճատվել է:
«Ունեցել ենք 81 մեքենա, հիմա ունենք 42 մեքենա: Կառավարության մեքենաները նույնպես կրճատվել են»,- ասաց նա՝ անդրադառնալով «պադավատապետության» մասին քննադատություններին:
Արձագանքելով վարչապետի շարասյան կողմից հղի կնոջը վրաերթի ենթարկելով կյանքից զրկելու վերաբերյալ մեղադրանքներին՝ նա նշեց, որ այդ շահարկումն արդեն հին է ու էժան․ «Որևէ մեկը որևէ մեկին մեքենայի տակ չի գցել»,– հավելեց նա։
ԱԺ նախագահը, դիմելով ընդդիմությանը, նշեց, որ երկու նորություն ունի՝ երկուսն էլ լավ։
«Ամենայն հավանականությամբ, դուք հաջորդ խորհրդարանում չեք լինելու։ Երկրորդ լավ նորություն այն է, որ այօրվա իշխանությունը ավելի բարձր ձայներով ՀՀ–ում արդար ընտրություններով նորից դառնալու է իշխանություն»,– նշեց նա։
