Ամերիկացի միլիարդատեր Իլոն Մասկի քաղաքական կոմիտեն մոտ 200 միլիոն դոլար է ծախսել ԱՄՆ նախագահական ընտրություններում հաղթած հանրապետական Դոնալդ Թրամփի նախընտրական արշավին աջակցելու համար։ Այս մասին հայտնում է Associated Press-ը՝ վկայակոչելով աղբյուրին։
Նշվում է, որ Մասկի կոմիտեն մոտ 200 մլն դոլար է ծախսել՝ օգնելու Դոնալդ Թրամփին հաղթել ընտրություններում։
Ընդգծվում է, որ Մասկի կոմիտեն ձգտել է ազդել ընտրողների վրա, ովքեր կամ նախընտրում են չգնալ քվեարկության, կամ առաջին անգամ են քվեարկել։
Ըստ հաղորդագրության՝ Իլոն Մասկը դառնում է Դոնալդ Թրամփի ապագա վարչակազմի ձևավորման առանցքային դեմքերից մեկը։ Հեռուստաալիքի տվյալներով՝ ԱՄՆ ընտրություններից ի վեր Մասկը գրեթե ամեն օր գտնվում է Մար-ա-Լագոյում (Ֆլորիդա) նահանգի ընտրված ղեկավարի կալվածքում՝ դրանով իսկ անմիջական ազդեցություն ունենալով կադրային որոշումների վրա։
