Այն ձևաչափը, որով Հայաստանում քաղաքական հետապնդումներն իրականացվում են, որևէ իրավականություն չկա։ Այս մասին լրագրողների հետ զրույցում ասել է Ազգային ժողովի «Հայաստան» դաշինքի պատգամավոր Գեղամ Մանուկյանը։
«Նիկոլ Փաշինյանը մեղադրանքը հնչեցնում է, իր ենթակա ուժայինները հաջորդ վայրկյանին անցնում են գործի և Անդրանիկ Թևանյանի դեպքը դրա ամենախայտառակ դրսևորումն է, Արեգնազ Մանուկյանի դեպքը՝ ավելի խայտառակ ձևն է»,- պնդում է պատգամավորը։
Նրա խոսքով՝ Արեգնազ Մանուկյանից իրավապահները փորձում էին կեղծ ցուցմունքներ ստանալ, ի պատիվ նրա՝ չեն կարողացել ստանալ, դրա համար էլ քինախնդիր ձևով փորձում են ավելի ծանր վրեժ լուծել։
