Այս մասին գրում է The Hill-ը՝ վկայակոչելով փորձագետներին։ Նշվում է, որ Թրամփը կօգտագործի իր «յուրահատուկ ոճը՝ համատեղելով ռազմատենչ սպառնալիքներն ու բարեկամական հարաբերությունները»։ Փորձագետները երկրների այս խմբին անվանել են CRINK (Ռուսաստան, Իրան, և Հյուսիսային Կորեա, Չինաստան իսկ ոչ ֆորմալ առումով ՝ հարուստ ռեսուրսներով այլ երկրներ ) հապավումով` ելնելով նրանց անգլերենի առաջին տառերից: Ըստ Անդրեա Քենդալ-Թեյլորի՝ նոր Ամերիկյան անվտանգության կենտրոնի վերլուծական կենտրոնի ավագ գիտաշխատող, CRINK-ի ներսում հարաբերությունները «ավելի խորն ու ամուր են, քան շատերը հասկանում են»:
Բացի այդ, Ջորջ Բուշի ինստիտուտի գործադիր տնօրեն Դեյվիդ Քրամերը CRINK երկրներն անվանել է սպառնալիք ԱՄՆ-ի համար։ Նա կարծիք է հայտնել, որ դրանց հակազդելու լավագույն միջոցը կլինի Ուկրաինային օգնելն ու նրա հաղթանակն ապահովելը։ Ավելի վաղ հայտնի էր դարձել, որ Թրամփն իր երդմնակալությունից երկու ամիս առաջ արդեն սկսել էր ԱՄՆ արտաքին քաղաքականությունը ձևավորել երկու թեժ կետերի առնչությամբ՝ Ուկրաինայում և Իսրայելում։
