ԱՄՆ-ն օգոստոսի 22-ից 50% մաքսատուրք է սահմանել Կանադայից ներմուծվող մի շարք ապրանքների նկատմամբ։ Որոշումն ընդունվել է ԱՄՆ-ի և Կանադայի միջև ինտենսիվ բանակցությունների ձախողումից հետո։
Նոր մաքսատուրքերը վերաբերում են շուրջ 20 մլրդ դոլարի կանադական արտահանմանը՝ Կանադայից ԱՄՆ արտահանվող ապրանքների ընդհանուր ծավալի ավելի քան 5%-ին։ Ցանկում ներառված են գինի, կահույք, կաթնամթերք, ցեմենտ, հագուստ, ձկնորսական պարագաներ և հոկեյի սարքավորումներ։
Վերջին օրերին կողմերը փորձում էին հասնել ավելի լայն առևտրային համաձայնության։ Քննարկվում էր նաև կանադական ավտոմեքենաների նկատմամբ գործող 25% մաքսատուրքի նվազեցումը մինչև 15%, ինչպես նաև պողպատի և ալյումինի ոլորտներում սահմանափակումների մեղմացումը։Կանադայի վարչապետ Մարկ Քարնին հայտարարել է, որ ԱՄՆ-ը բանակցությունների վերջին փուլում փոխել է իր առաջարկած պայմանները՝ դրանք անվանելով անարդար։ Կանադան հայտարարել է, որ պատրաստվում է արձագանքել ԱՄՆ-ի նոր մաքսատուրքերին «դոլար՝ դոլարի դիմաց» սկզբունքով։
ԱՄՆ-ի ներկայացուցիչները, սակայն, պնդում են, որ համաձայնությունը չի կայացել Կանադայի դիրքորոշման պատճառով՝ դա անվանելով «բաց թողնված հնարավորություն»։
