Իրանի գերագույն առաջնորդ Մոջթաբա Խամենեին Իսլամական հեղափոխության պահապանների կորպուսի (ԻՀՊԿ) նախկին գլխավոր հրամանատար Մոհսեն Ռեզայիին նշանակել է երկրի Ազգային անվտանգության բարձրագույն խորհրդի քարտուղարի պաշտոնում։
Ռեզային նաև կդառնա Խամենեիի ներկայացուցիչը Խորհրդում։ Այս պաշտոնը նախկինում զբաղեցնում էր Ալի Լարիջանին, որը զոհվել էր մարտին ամերիկա-իսրայելական հարվածների հետևանքով։ Նրանից հետո քարտուղարի պարտականությունները կատարում էր Մոհամմադ Բաղեր Զոլղադրը։
Խամենեին նաև Զոլղադրին նշանակել է իր քաղաքական խորհրդական։
Ռեզային Քաղաքական նպատակահարմարության որոշման խորհրդի անդամ է՝ մի մարմնի, որը լուծում է խորհրդարանի և Պահապանների խորհրդի միջև տարաձայնությունները, մասնավորապես՝ քննարկելով պետական պաշտոնների թեկնածուներին։
1980-ականների իրանա-իրաքյան պատերազմի ընթացքում Ռեզային եղել է ռազմական հրամանատար։ Իրանում այս շրջանը կոչում են «Սրբազան պաշտպանություն»։
