Ռումինիայի տարածքից Բուլղարիա թռած անօդաչու սարքը շաբաթ օրը պայթել է երկու երկրների սահմանից և Տրանսբալկանյան գազատարից ոչ հեռու, հայտնել է Բուլղարիայի վարչապետ Ռումեն Ռադևը, հաղորդել է AFP-ն։
Նրա խոսքով՝ դրոնը պայթել է Բուլղարիայի հյուսիս-արևելքում, Կարդամ սահմանային անցակետի անմիջական հարևանությամբ, Տրանսբալկանյան գազատարի կոմպրեսորային կայանից մոտ 1 կիլոմետր հեռավորության վրա։ Միջադեպի հետևանքով տուժածներ չկան։
Տրանսբալկանյան գազատարը միացնում է Թուրքիան և Ուկրաինան և անցնում է Բուլղարիայի, Ռումինիայի և Մոլդովայի տարածքով։
Ռադևը միջադեպի մասին հայտնել է տեսաուղերձում, որը Բուլղարիայի կառավարությունը հրապարակել է սոցցանցերում։
