Europa Press-ը հաղորդում է, որ երիտասարդ տղամարդը մահացել է Մարոկկոյից Իսպանիա պարապլանով թռչելու փորձի ժամանակ։ Գործակալության տվյալներով՝ միջադեպը տեղի է ունեցել ուրբաթ առավոտյան։
Ազգային գվարդիայի աշխատակիցները հայտնաբերել են աֆրիկյան ծագում ունեցող երիտասարդին այն բանից հետո, երբ հսկողության համակարգերը հայտնաբերել են Իսպանիայի սահմանը հատելու փորձ։ Տղամարդը փորձում էր պարապլանով թռչել սահմանը Բենցուի ծովախորշի մոտ, որը գտնվում է Իսպանիայի հյուսիսային անկլավ Սեուտայում։
«Ոստիկանները հաստատել են, որ նա շնչառական և արյան շրջանառության կանգ է ունեցել», – նշում է գործակալությունը։ Ըստ Europa Press-ի՝ անձնակազմը չի կարողացել վերակենդանացնել տղամարդուն: Միգրանտի մարմինը ուղարկվել է դիահերձման: Իշխանությունները հետաքննում են միջադեպը:
