Իրանի նախագահ Մասուդ Փեզեշքիանը հայտարարել է, որ վերջին շրջանում Իրանի հարաբերությունները հարևան երկրների հետ զգալիորեն բարելավվել են։
Նրա խոսքով՝ տարածաշրջանի երկրները համագործակցում են Թեհրանի հետ և թույլ չեն տվել, որպեսզի իրենց տարածքներով իրականացվեն գործողություններ, որոնք կարող էին հանգեցնել անկարգությունների և անկայունության։
«Մեր հարևանների հետ հարաբերությունները շատ ավելի լավ են դարձել, քան նախկինում։ Նրանք շատ լավ համագործակցում են մեզ հետ»,- ասել է Փեզեշքիանը։
Նա նշել է, որ պատերազմի ընթացքում, ըստ իրանական կողմի, եղել են ծրագրեր՝ Իրանի հյուսիս-արևմուտքից և հարավ-արևելքից անկարգություններ հրահրելու համար։
Փեզեշքիանի խոսքով՝ հարևան երկրները թույլ չեն տվել որևէ մեկին հեշտությամբ անցնել իրենց սահմաններով և ստեղծել անկայունություն։
«Նրանք ոչ միայն ձեռնպահ մնացին դրանից, այլև աջակցություն ցուցաբերեցին մեզ»,- հայտարարել է Իրանի նախագահը։
