Հյուսիսային Կորեան լրացուցիչ միջոցներ է պատրաստում Ճապոնիայի աճող ռազմական ներուժին ի պատասխան, զգուշացրել է Կորեայի Աշխատավորական կուսակցության Կենտրոնական կոմիտեի բաժնի ղեկավար և երկրի առաջնորդի քույր Կիմ Յո Չժոնգը։
«Մենք պետք է ստիպենք Ճապոնիային զղջալ իր գործողությունների համար։ Մենք ոչ մի դեպքում թույլ չենք տա, որ Ճապոնիան ռազմական էվոլյուցիա անցնի, որը կարող է լուրջ սպառնալիք ներկայացնել Հյուսիսային Կորեայի անվտանգության համար», - նրա խոսքերն է մեջբերել KCNA լրատվական գործակալությունը։
Քաղաքական գործիչը կոչ է արել միջազգային հանրությանը մեծացնել զգոնությունը, դատապարտել հարևան երկրի գործողությունները և կանխել դրա վերածումը Միացյալ Նահանգների հովանու ներքո գտնվող ռազմական տերության։ Կիմ Յո Չժոնը նշել է, որ Ճապոնիան Խաղաղ օվկիանոսում փորձարկել է Tomahawk թևավոր հրթիռները: Ավելին, նա հավելել է, որ Տոկիոն տեղակայում է մեծ հեռահարության հականավային կառավարվող հրթիռներ, մշակում է անօդաչու սուզանավեր և գնում է թևավոր հրթիռներ F-35A կործանիչների համար:
