ԱՄՆ նորընտիր նախագահ Դոնալդ Թրամփի անցումային թիմը հայտարարել է նրա խորհրդական Սյուզան Ուայլսին պաշտոնը ստանձնելուց հետո Սպիտակ տան աշխատակազմի ղեկավարի պաշտոնում նշանակելու մասին։
Թիմի հաղորդագրությունը փոխանցում է ՏԱՍՍ-ը։
«Նա ուժեղ է, խելացի, նորարար և հարգված: Սյուզանը կդառնա առաջին կինը, ով կգլխավորի Սպիտակ տան ապարատը Միացյալ Նահանգների պատմության մեջ»,-մեկնաբանել են նրա գործընկերները։
Նշվում է, որ Ուայլսը Թրամփի թիմի կազմում ակտիվորեն մասնակցել է 2016, 2020 և 2024 թվականների նախընտրական արշավներին։
